20.01.2026 | 18:35
Դժբախտ դեպք Գորիսում․ սահնակով արգելապատնեշին բախված 17-ամյա տղան մահացել է
Ես հիմա ավելի մաքուր եմ, քան նախքան վարչապետ լինելս. Նիկոլ Փաշինյան. ՏԵՍԱՆՅՈՒԹ
Քաղաքականություն
10.03.2020 | 16:43
«Երբ Սասուն Միքայելյանը խոսում էր, մի բառ օգտագործեց, ու ես մտքերի մեջ ընկա: Մի քիչ կոպիտ բառ օգտագործեց, ասաց «կեղտերից ազատվեցինք»… տենց մտածելով եկա, պատկերացրի իշխանություն, իսկ Հայաստանում իշխանություն և կեղտ բառերը իրար հետ շատ երկար առնչվել են, որովհետև էդ ընկալումը կա, որ մարդը երբ իշխանության հետ առնչվում է, ինքը պարտադիր պետք է կեղտոտվի»,- Կապանում ԱՅՈ-ի քարոզարշավի ընթացքում ելույթ ունենալիս, ասաց ՀՀ վարչապետ Նիկոլ Փաշինյանը:
«Ես ինքս ինձ հարց տվեցի. ես մոտ երկու տարի կլինի, որ Հայաստանի Հանրապետության վարչապետն եմ, հիմա ես իշխանության բերումով կեղտոտվե՞լ եմ, թե՞ չեմ կեղտոտվել: Եվ ես ինքս իմ մեջ շատ լավ զգացի, որ ես այսօր, ձեր բոլորի աչքերի մեջ նայելով կարող եմ ասել, որ ես հիմա շատ ավելի մաքուր եմ, քան վարչապետ լինելուց առաջ: Եվ հեղափոխությունը սա է՝ իշխանությունը այլևս կեղտոտվելու ճանապարհ չէ, իշխանությունը մաքրվելու ճանապարհ է, որովհետև իշխանությունը ծառայություն է, իսկ ծառայությունը նրա համար է, որ մենք մաքրվենք ժողովրդի առաջ, Աստծո առաջ, հայրենիքի առաջ, որովհետև մենք ոչ մեկս անմեղ չենք: Իսկ ծառայությունն ու իշխանությունը նրա համար ենք, որ մենք ոչ թե կեղտոտվենք, այլ մաքրվենք»:
Մանրամասները՝ տեսանյութում:
