Մշակույթ
10.03.2020 | 14:27
Երևանի ավագանու «Իմ քայլը» խմբակցության անդամ Արմեն Սարգսյանն ընտրվել է Երգի պետական թատրոնի տնօրենի պաշտոնում։ Տեղեկությունը Factor.am-ի հետ զրույցում հաստատեց Արմեն Սարգսյանը։
«Մրցույթն այսօր էր, մասնակցեցի և ստացվեց»,- ասաց Արմեն Սարգսյանը։ Նրա խոսքով՝ իրենից բացի ևս մեկ գրանցված թեկնածու կար, որը մրցույթին չի մասնակցել։
«Թատրոնը պետք է նոր շունչ ստանա։ Շատ պլաններ կան․ վերանորոգման աշխատանքներ, տեխնիկական վերազինում, ստեղծագործական փոփոխություններ»,- ասաց Երգի պետական թատրոնի նորընտիր տնօրենը։
Հիշեցնենք, որ 2019-ի ապրիլի 29-ին Արմեն Սարգսյանը նշանակվել էր Երգի պետական թատրոնի տնօրենի ժամանակավոր պաշտոնակատար՝ այն բանից հետո, երբ թատրոնի նախկին տնօրեն Արթուր Ասատրյանի պաշտոնավարման ժամկետի ավարտին մեկ ամիս էր մնացել։
«Թեպետ երաժշտական կրթություն չունեմ, այնուամենայնիվ, արդեն տասը տարի է՝ արվեստի ոլորտում եմ ու պատրաստ եմ կատարել տնօրենի պարտականությունները»,- Factor.am-ի հետ զրույցում ասել էր Արմեն սարգսյանը։
Նելլի Մելքոնյան
