22.05.2026 | 14:13
Քաղհասարակության նկատմամբ անհանդուրժողականությունը վտանգում է ժողովրդավարությունը․ ՄԻՊ
Գնում են եվրոպաներում աղիողորմ լացում են, թե մեզ ճնշում են. Նիկոլ Փաշինյան. ՏԵՍԱՆՅՈՒԹ
Քաղաքականություն
10.03.2020 | 12:55
Մեզ ասում են՝ այս Կառավարությունը մեր ազգային արժեքների դեմ է, պրոեվրոպական է, պրոարևմտյան է, հետո վազում, Եվրոպայի միջանցքներում աղիողորմ լացել, թե մեզ ճնշում են: «Այո»-ի քարոզարշավի շրջանակում Մեղրիում հրավիրված հանրահավաքում հայտարարեց վարչապետ Նիկոլ Փաշինյանը:
«Ինչի՞ եք գնացել՝ եվրոպացիներին դիմել, եկեք ձեր ժողովրդին ասեք, ասեք՝ մեզ ճնշում են: Ընդհակառակը, մեզ այսօր ժողովուրդը ճնշում է, ասում է՝ դրանց հետ շատ եք նեյնիմ-նեյնիմ անում, կարո՞ղ է՝ բան է եղել»,- ասաց Փաշինյանը:
Նրա խոսքով՝ Հայաստանում բոլոր ինստիտուտները պետք է հարյուր տոկոսով համապատասխանեն Սահմանադրությանը:
«Մենք ընտրական ինստիտուտն անշրջելիորեն համապատասխանեցրել ենք Սահմանադրությանը, խորհրդարանը, Կառավարությունը համապատասխանեցրել են Սահմանադրությանը: Այսօր մենք հստակ ձևակերպված որդեգրել ենք ռազմավարություն, թե ինչպես պետք է իրականացնենք դատաիրավական համակարգի բարեփոխումները: Եվ Սահմանադրական դատարանը վերջին ինստիտուտն է, որը պետք է համապատասխանի այսօրվա Սահմանադրության պահանջներին»,- հավելեց Նիկոլ Փաշինյանը:
Մանրամասները՝ տեսանյութում:
