«Փյունիկի» գլխավոր մարզիչ Ռոման Բերեզովսկին ՀՀ Բարձրագույն խմբի առաջնության 17-րդ տուրի՝ «Նոայի» հետ անցկացրած խաղից հետո կիսվել է տպավորություններով. գրում է armsport.am-ը:
Երևանյան թիմը, հիշեցնենք, մրցակցի հարկի տակ 2:4 հաշվով պարտություն է կրել ու նահանջել մրցաշարային աղյուսակի 7-րդ հորիզոնական՝ 6-րդ տեղ բարձրացած «Նոային» զիջելով 4 միավորով.
Բոլոր ֆուտբոլիստները շատ մոտիվացված էին խաղում, բայց սխալներ գործեցինք, որոնք մեզ թույլ չտվեցին հաղթանակի հասնել:
Երևանյան թիմի գլխավոր մարզիչը խոսել է նաև թիմի կիսապաշտպան Կառլեն Մկրտչյանի բացակայության և այն մասին, թե որքանով դա ազդեց իրենց թիմի խաղի վրա.
«Կառլեն Մկրտչյանն, իհարկե, մեր առաջատարն է, մեր ավագը, կարծում եմ՝ այս կյանքում անփոխարինելի մարդիկ չկան, բայց այս պահին, այս դրության մեջ նա անփոխարինելի դուրս եկավ»,- ասել է Բերեզովսկին:
