16.04.2026 | 23:27
Ինչ իրավիճակ է Հայաստանի ճանապարհներին և Լարսում
Հիասթափված ենք, բայց այս խաղով կյանքը ո՛չ սկսվում, ո՛չ ավարտվում է. Ռոման Բերեզովսկի
07.03.2020 | 17:56
«Փյունիկի» գլխավոր մարզիչ Ռոման Բերեզովսկին ՀՀ Բարձրագույն խմբի առաջնության 17-րդ տուրի՝ «Նոայի» հետ անցկացրած խաղից հետո կիսվել է տպավորություններով. գրում է armsport.am-ը:
Երևանյան թիմը, հիշեցնենք, մրցակցի հարկի տակ 2:4 հաշվով պարտություն է կրել ու նահանջել մրցաշարային աղյուսակի 7-րդ հորիզոնական՝ 6-րդ տեղ բարձրացած «Նոային» զիջելով 4 միավորով.
«Բոլորս էլ հիասթափված ենք այս արդյունքից, բայց կյանքն այս խաղով ոչ սկսվել է, ոչ էլ ավարտվելու է: Կարելի է ասել՝ որ թիմն ավելի շատ սխալներ թույլ տվեց, այն էլ պարտվեց: Մեր եզրային պաշտպաններն այսօր, միգուցե, ավելի շատ սխալվեցին:
Բոլոր ֆուտբոլիստները շատ մոտիվացված էին խաղում, բայց սխալներ գործեցինք, որոնք մեզ թույլ չտվեցին հաղթանակի հասնել:
Այս խաղը, երևի, այս պահի կենտրոնական խաղն էր, ու սպասում էինք ագրեսիա մրցակցից, մենք էլ, կարծում եմ, չէինք զիջում, բայց սխալների արդյունքում գոլեր բաց թողեցինք, փորձեցինք այնուհետև փոխել խաղի ընթացքը, բայց նորից սխալ թույլ տվեցինք ձախ եզրում ու երրորդ գոլը բաց թողեցինք»:
Երևանյան թիմի գլխավոր մարզիչը խոսել է նաև թիմի կիսապաշտպան Կառլեն Մկրտչյանի բացակայության և այն մասին, թե որքանով դա ազդեց իրենց թիմի խաղի վրա.
«Կառլեն Մկրտչյանն, իհարկե, մեր առաջատարն է, մեր ավագը, կարծում եմ՝ այս կյանքում անփոխարինելի մարդիկ չկան, բայց այս պահին, այս դրության մեջ նա անփոխարինելի դուրս եկավ»,- ասել է Բերեզովսկին:
