25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
Իսպանիայի դատախազությունը Կատալոնիայի առաջնորդներին մեղադրում է ապստամբության և պետական միջոցների յուրացման համար
Քաղաքականություն
30.10.2017 | 16:46
Իսպանիայի գլխավոր դատախազը դատի է տվել Կատալոնիայի նախագահ Կառլոս Պուչդեմոնին և կատալոնացի մյուս առաջնորդներին, որոնք հեռացվել են պաշտոնից: Նրանք մեղադրվում են ապստամբության և պետական միջոցների յուրացման համար. փոխանցում է meduza.io-ն:
Գործի նյութերում ընդհանուր առմամբ ընդգրկված է 20 մարդ: Դատախազը նշել է, որ նրանք գործել են «արհամարհելով Սահմանադրությունը»:
Նշվում է, որ հալածանքի պատճառը Կատալոնիայի խորհրդարանում քվեարկությունն էր, ինչը հանգեցրեԼ Է տարածաշրջանի անկախության հռչակմանը:
Դատախազը պահանջել է, որ կատալոնացի ղեկավարները անմիջապես ներկայանան քննչական մարմիններ, այլապես սպառնալով ձերբակալել:
Հիշեցնենք, որ հոկտեմբերի 1-ին Կատալոնիայում հանրաքվե անցկացվեց, մասնակիցների մեծամասնությունը քվեարկեց անկախության օգտին: Իսպանիան քվեարկությունը համարեց անօրինական: Հանրաքվեն նաև միջազգային ճանաչում չի ստացել:
