22.05.2026 | 13:42
Քաջարան-Մեղրի ճանապարհին բեռնատարը բախվել է ժայռին․ վարորդին դուրս են բերել փրկարարները
Ֆրանսիայի հայերը մտահոգված են Փարիզի քաղաքապետի թեկնածուի ադրբեջանական կապերով
Քաղաքականություն
06.03.2020 | 20:57
Ֆրանսիայի հայկական կազմակերպությունների համակարգող խորհրդի նախագահ Մուրադ Փափազյանը, Nouvelles d’Arménie Magazine- ի գլխավոր խմբագիր Արա Թորանյանը, և Ֆրանսիայի քաղաքային խորհրդի անդամ Պատրիկ Քարամը մտահոգություն են հայտնել Փարիզի քաղաքապետի պաշտոնում Ռաշիդ Դաթիի թեկնածության վերաբերյալ: Այս մասին հայտնում է Nouvelles d’Arménie պարբերականը։
Ֆրանսիական աղբյուրների համաձայն՝ Դաթին հայտնի է «Ադրբեջանի ավտորիտար և ոչ ժողովրդավար իշխանությունների հետ սերտ կապերով»։ Նա եղել է «Ֆրանսիայում Ադրբեջանի ընկերներ» ասոցիացիայի անդամ և 2017 թվականին դեմ է արտահայտվել Եվրախորհրդարանում անցկացվող՝ եվրոպական քաղաքական գործիչների վրա Ադրբեջանի ապօրինի քաղաքական ճնշումների վերաբերյալ հետաքննությանը։
Աղբյուրի փոխանցմամբ՝ Փարիզի քաղաքապետի թեկնածու Դաթին 2016 թվականի ապրիլյան պատերազմից հետո Լեռնային Ղարաբաղում բնակվող հայերի դեմ հայտարարություններ է արել։ Նրան նաև մի քանի անգամ նկատել են Ադրբեջանի նախագահի տիկին Մեհրիբան Ալիևայի շրջապատում։ 2011 թվականին էլ նա Ադրբեջանի առաջին տիկնոջ պատվին կազմակերպված մեծ միջացառման է մասնակցել։
Նելլի Մելքոնյան
