21.06.2026 | 19:02
Ջեյ Դի Վենսը հայտնել է Իրանի հետ բանակցություններում առաջընթացի մասին
Ադրբեջանական թանգարանում քարտեզի վրա հայկական անվանումներն Ալիևի վրդովմունքն են առաջացրել
Քաղաքականություն
06.03.2020 | 19:24
Ադրբեջանի նախագահ Իլհամ Ալիևը Թովուզում մասնակցել է պատմական-երկրագիտական թանգարանի բացմանը։ Ուսումնասիրելով պատին կախված քարտեզները, Ալիևը դժգոհություն է հայտնել դրանց վրա նշված պատմական անուններից և քարտեզների ժամանակագրության բացակայությունից։ Այս մասին հայտնում է Ռուսարմինֆոն։
Նրան պատասխանել են, որ քարտեզները տրամադրել է Մշակույթի նախարարությունը։ «Մշակույթի նախարարությու՞նը։ Նշված են հին անվանումներ, ինչպես՝ Սիսիանը։ Այն ժամանած Սիսիան անվանումը չի եղել, հետո ինչ-որ մեկն այն հորինել է։ Ադրբեջանի ներկայիս տարածքի վրա նշված չէ ոչ մի պատմական անվանում՝ բացի Մինգյաչևիրից, չնայած՝ Բարդան, Գաբալան և Նախիջևանը մերն հին քաղաքներն են եղել։ Դրա համար հարցնում եմ՝ քարտեզները ո՞ր դարի են»,- ասել է Ալիևը։
Նրան նաև դուր չի եկել, որ քարտեզի վրա նշված չի եղել Աղվանքը, այն դեպքում, երբ մեծատառերով նշված է եղել հայկական լեռնաշխարհի Ուրարտու նահանգը։ «Թանգարանը ցուցանմուշներով եք լցնում և մտածում, որ այդքանով գործն ավարտվե՞ց։ Ավելին՝ սա երեխաների համար նախատեսված սենյակ է․ ի՞նչ կլինի, եթե երեխան գա և հարցնի՝ ի՞նչ է սա, ու՞ր է իմ հայրենիքը, ու՞ր են իմ հին քաղաքները։ Դրա փոխարեն Ուրարտուն ենք տեսնում»,- ասել է նա։
Ալիևը թանգարանի աշխատակիցներին կարգադրել է կապ հաստատել Մշակույթի նախարարության հետ և անել այնպես, որ քարտեզները ճշգրիտ լինեն և դրանց վրա տարեթվեր նշված լինեն։
