26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Բարի թագավորների կամքին չպիտի ապավինենք․ Անի Սամսոնյանը՝ ՀԿ-ներին վերաբերող օրենքի մասին. ՏԵՍԱՆՅՈՒԹ
Քաղաքականություն
06.03.2020 | 13:08
Եթե մենք օրենք ենք փոխում, դա պետք է լինի բոլոր ժամանակների համար, բարի թագավորների կամքին չպիտի ապավինենք։ ԱԺ-ում «Հասարակական կազմակերպությունների մասին» ՀՀ օրենքում փոփոխություններ կատարելու մասին նախագծի քննարկման ժամանակ նման տեսակետ հայտնեց «Լուսավոր Հայաստան» խմբակցության պատգամավոր Անի Սամսոնյանը:
«Հասարակական կազմակերպությունները պետք է առավել ակտիվ լինեն, որովհետև, այո՛, եթե նախկին իշխանությունների ժամանակ սա բերվեր, բոլորն ասելու էին՝ սա ճնշում է ենթադրում։ Հիմա զարմանում եմ, քանի որ պասիվություն կա, լավ կլինի ակտիվանան»,- ասաց պատգամավորը։
Նշենք, որ առաջարկվող նախագծով սահմանվում է, որ բոլոր հասարակական կազմակերպություններրը պետք է հաշվետվություն ներկայացնեն։ Բացի այս՝ Կառավարությունը, ըստ ՊԵԿ ղեկավարի, առաջարկում է, որ ՀԿ-ներն իրենց անդամների և կամավորների թվի մասին տեղեկատվություն ներկայացնեն հաշվետու տարեվերջի դրությամբ։
Մանրամասները՝ տեսանյութում:
