Հեղափոխությունից առաջ դեմ կլինեի, հիմա՝ կոչ եմ անում կողմ քվեարկել․ Մարիա Կարապետյան. ՏԵՍԱՆՅՈՒԹ

Հասարակական կազմակերպությունների հաշվետվողականության վերաբերյալ Կառավարության կողմից առաջարկված նախագծին «Իմ քայլը» խմբակցության պատգամավոր Մարիա Կարապետյանը հեղափոխությունից առաջ դեմ կլիներ, բայց այժմ կոչ է անում կողմ քվեարկել։

ԱԺ-ում «Հասարակական կազմակերպությունների մասին» ՀՀ օրենքում փոփոխություններ կատարելու մասին նախագծի քննարկման ժամանակ պատգամավորն ասաց՝ նախկինում խաթարված էր վստահությունը տարբեր դերակատարների միջև, իսկ այժմ ունենք այլ իրողություն:

«Հիմա մենք պետք է գնանք այլ ճանապարհով, մենք ժողովրդավարական պետություն ենք, պետք է շարունակենք ամրապնդել մեր ժողովրդավարական ինստիտուտները և ամրապնդել վստահությունը բոլոր այն դերակատարների միջև, որոնք իրականացնում են օրինական գործունեություն։ Եվ, հետևաբար, որպես կառավարող ուժ՝ պետք է կարողանանք ապահովել բոլոր ՀԿ-ների գործունեունությունը, որոնք օրինական են՝ անկախ նրանից, թե դա ինչպիսի զգայունություն կարող է ներկայացնել հանրության համար։ Իհարկե, պետությունը կարող է հավաքել այս ինֆորմացիան և իր ներքին գործիքների միջոցով դուրս բերել ռիսկերի մի մասը՝ փողերի լվացումը, ահաբեկչության դեմ պայքարը, սակայն դրանց հրապարակայնության հատվածը պետք է ապահովի, որպեսզի մենք ավելի մեծ վստահության մակարդակ ապահովենք տարբեր դերակատարների միջև»,- նշեց Մարիա Կարապետյանը:

Նշենք, որ առաջարկվող նախագծով սահմանվում է, որ բոլոր հասարակական կազմակերպությունները պետք է հաշվետվություն ներկայացնեն։ Բացի այս՝ կԿառավարությունը, ըստ ՊԵԿ ղեկավարի, առաջարկում է, որ ՀԿ-ներն իրենց անդամների և կամավորների թվի մասին տեղեկատվություն ներկայացնել հաշվետու տարեվերջի դրությամբ։

Մանրամասները՝ տեսանյութում: