15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Հայաստանում հեռավար կրթության մեխանիզմներ կներդրվեն. ԱԺ-ն ընդունեց օրինագիծը
Հասարակություն
06.03.2020 | 12:21
Ազգային ժողովը երկրորդ ընթերցմամբ և ամբողջությամբ ընդունեց Կառավարության կողմից ներկայացված օրենքների նախագծերի փաթեթը, որով, մասնավորապես, առաջարկվում է ներդնել հեռավար կրթության իրականացման մեխանիզմ։
Առաջարկով հեռավար կրթությունը սահմանվում է որպես կրթական ծրագրի իրականացման ձև: Եթե, օրինակ, երկու անգամ ուսուցչի մրցույթ է կազմակերպվում, և տվյալ տեղի համար դիմողներ չեն լինում կամ մրցույթ չի կայանում, կարող է իրականացվել հեռավար կրթություն։
ԿԳՄՍ նախարար Արայիկ Հարությունյանը մարտի 5-ին ԱԺ-ում ունեցած ելույթում նշեց, որ այսպիսով մանկավարժական, ծնողական և աշակերտական խորհուրդները կարող են ներգրավվել տվյալ ուսումնական հաստատության տնօրենի ընտրության գործընթացում: Օրինագծով նախատեսվում է մեծացնել աշակերտական խորհուրդների դերը մրցույթների ժամանակ, ինչպես նաև սահմանվում է պարտադիր կրթությունից դուրս մնացած երեխաների բացահայտման և ուղղորդման կարգը:
