17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Տեսակապով հարցաքննության հնարավորություն տալու նախագիծն ընդունվեց առաջին ընթերցմամբ
Քաղաքականություն
06.03.2020 | 11:12
Ազգային ժողովն առաջին ընթերցմամբ ընդունեց Հայաստանի Հանրապետության քրեական դատավարության օրենսգրքում լրացում կատարելու մասին օրենքի նախագիծը։
Առաջարկվող նախագծի հեղինակը «Իմ քայլը» խմբակցության պատգամավորներ Նիկոլայ Բաղդասարյանն ու Արուսյակ Ջուլհակյանն են։ Նախագծով առաջարկվում է նախաքննական փուլում հնարավորություն տալ վկային, կամ տուժողին հարցաքննության մասնակցել տեսակապի միջոցով։
«Հստակ սահմանված են այդ դեպքերը. երբ վկան տարիքի, առողջական վիճակի պատճառով չի կարող ներկայանալ, անհրաժեշտ է ապահովել վկայի կամ տուժողի անվտանգությունը կամ քննության նպատակահարմարությունը»,- ներկայացրեց Նիկոլայ Բաղդասարյանը:
Նախագիծն ընդունվեց 124 կողմ ձայներով։ Դեմ և ձեռնպահ քվերակություններ չեղան։
Դատաիրավական ոլորտում մեկ այլ փոփոխություն նախատեսող նախագիծը նույնպես ընդունվեց Ազգային ժողովի կողմից։ «Իմ քայլը» խմբակցության պատգամավորներ Նիկոլայ Բաղդասարյանի և Արուսյակ Ջուլհակյանի ներկայացրած ՀՀ քրեական դատավարության օրենսգրքում փոփոխություններ և լրացումներ կատարելու մասին նախագիծն առաջին ընթերցմամբ ընդունվեց 113 կողմ և 1 ձեռնպահ ձայներով։
Նախագծով առաջարկվում է քննչական գործողություններ կատարելու ժամանակ որոշ դեպքերում հարցաքննության արձանագրությունը կատարել ոչ թե տեքստային, այլ տեսաձայնագրության միջոցով։
