22.05.2026 | 12:37
Արման Թաթոյանի ասուլիսը
Ինչպես է հաջողվել ամբաստանյալի կարգավիճակում գտնվող Սերժ Սարգսյանին հատել ՀՀ սահմանը
Հասարակություն
05.03.2020 | 19:51
ՀՀԿ փոխնախագահ Արմեն Աշոտյանը ֆեյսբուքյան իր էջով տեղեկացրել է, որ ՀՀ երրորդ նախագահ Սերժ Սարգսյանը Բրյուսելում հանդիպում է ունեցել ԵԺԿ նախագահ Դոնալդ Տուսկի հետ. «Այսօր մեկնարկել է ՀՀ երրորդ նախագահ, ՀՀԿ նախագահ Սերժ Սարգսյանի աշխատանքային այցը Բելգիայի Թագավորություն»:
Ինչպես գիտենք, Սերժ Սարգսյանը ամբաստանյալի կարգավիճակում է և նրա նկատմամբ որպես խափանման միջոց է ընտրված ստորագրությունը չհեռանալու մասին: Factor.am-ը կապ հաստատեց երրորդ նախագահի փաստաբան Ամրամ Մակինյանի հետ՝ հասկանալու համար, թե արդյոք փոխվել է նրա խափանման միջոցը:
Պաշտպանը տեղեկացրեց, որ իրենք ըստ կարգի դիմել են դատարան՝ որոշ ժամանակով Սերժ Սարգսյանին երկրից հեռանալու թույլտվության համար, ինչը և բավարարվել է. «Աշխատանքային այց է, օրենքով սահմանված կարգով դիմել ենք դատարան և ստացել թույլտվություն, ինչը շատ տրամաբանական է»:
Այսինքն ըստ էության խափանման միջոցը չի փոխվել:
