21.06.2026 | 21:01
«Քրիստոնեությունը կդառնա Հայաստանի նոր բրենդը»․ Ծառուկյանը՝ The Guardian-ին
Պեսկովը պատմել է Պուտինի և Էրդողանի բանակցությունների մասին
Քաղաքականություն
05.03.2020 | 19:22
Ռուսաստանի Դաշնության նախագահ Վլադիմիր Պուտինը Թուրքիայի իր գործընկերոջ՝ Ռեջեփ Թայիփ Էրդողանի հետ երեք ժամ շփվել է առանձնազրույցի ձևաչափով, կես ժամ առաջ նրանց են միացել պատվիրակությունները: РИА Новости-ի փոխանցմամբ՝ այս մասին հայտնել է ՌԴ առաջնորդի մամլո քարտուղար Դմիտրի Պեսկովը:
Կրեմլում առաջնորդների հանդիպումը մեկնարկել է տեղի ժամանակով 14:06-ին, բանակցությունների հիմնական թեման եղել է սիրիական Իդլիբում իրավիճակը: Բանակցությունների մեկնարկին ՌԴ նախագահը նշել էր թուրք գործընկերոջ հետ ստեղծված իրավիճակը «քննարկելու» անհրաժեշտության մասին, որպեսզի ռուս-թուրքական հարաբերությունները, որոնք կողմերը համարում են թանկ, չքանդվեն: Էրդողանը վստահություն է հայտնել, որ բանակցությունների արդյունքը կթեթևացնի իրավիճակը Իդլիբում:
Իրավիճակն Իդլիբում սրվել է փետրվարի 27-ից ի վեր, երբ «Հայաթ Թահրիր աշ-Շամ» ահաբեկչական խմբավորման գրոհայինները կրակ են բացել սիրիական կառավարական բանակի դիրքերի ուղղությամբ, որին հակահարված են տվել սիրիացի բանակայինները: ՌԴ ՊՆ տվյալներով՝ սիրիական բանակի կրակահերթի տակ են հայտնվել նաև թուրք զինծառայողները, որոնք այնտեղ չպետք է լինեին: Կատարվածի հետևանքով 36 թուրք զինվորական է մահացել:
Ռուսական կողմն այդ տեղեկությունն ստանալուն պես քայլեր է ձեռնարկել կրակի դադարեցման ուղղությամբ, իսկ ռուսական ավիացիան այդ շրջանում չի կիրառվել, ինչպես նշում են ռուսական գերատեսչությունից:
Ավելի վաղ ՌԴ ԱԳ նախարար Սերգեյ Լավրովը հայտնել էր, որ Թուրքիան չի կարողացել կատարել Իդլիբի հարցով պայմանավորվածության մի քանի հիմնարար պարտականություններ, մասնավորապես՝ թուրքական կողմը չի կարողացել զսպել սիրիական զինված ընդդիմությանը:
