Հայաստանը նոր կորոնավիրուսի դեմ պայքարում բարձր ցուցանիշ է գրանցել. ՀՀ ԱՆ

ՀՀ առողջապահության նախարարությունից տեղեկացնում են, որ աշխարհում կորոնավիրուսի՝ ժամանակի ու տարածության առումով, զարգացման միտումների մասին արագ ու հեշտ տեղեկատվություն կարելի է ստանալ Preventepidemics.org կայքից: Այն վիրուսի և դրա գլոբալ ազդեցության ժամանակին,  ճշգրիտ և հասկանալի տեղեկատվության հիմնական աղբյուրն է:

«PreventEpidemics.org կայքը տրամադրում է երկրների մակարդակի տեղեկատվություն` համաճարակային պատրաստվածության վերաբերյալ, հստակ ցույց տալով, թե որքան է պատրաստ երկիրը գտնել, դադարեցնել և կանխել նոր հիվանդությունների սպառնալիքները` ներառյալ COVID-19-ը:

Ինտերակտիվ քարտեզը թույլ է տալիս օգտվողներին տեղեկություն ստանալ բռնկումների, միջազգային թռիչքների վերաբերյալ: Պատրաստվածության առաջնահերթությունը կյանքեր փրկելն է` սահմանափակելով համաճարակների ազդեցությունը տնտեսության վրա:

Այստեղ նկարագրվում են արձագանքման միջոցները` COVID-19 հիվանդության զսպման և մեղմացման առումով: Բռնկման սկզբից պետք է ձեռնարկել գործողություններ, որոնք օգնում են նվազեցնել հիվանդության տարածումը և արդյունավետորեն բուժել վարակվածներին:

Օգտագործվում են սովորական բուժման ռազմավարություններ, որոնք կիրառվում են գրիպի սեզոնի ընթացքում. Ինչպես` ձեռքեր լվանալն է, հազալուց բերանը ծածկելը, հիվանդության ժամանակ տանը մնալը և առարկաների մակերևույթները մաքրելը:

Այս միջոցառումները կթուլացնեն համաճարակի ազդեցությունը և կհետաձգեն դեպքերը՝ հուսալով, որ դեղագործական միջամտությունները, ինչպիսիք են հակավիրուսային բուժումը և պատվաստանյութերը, շուտով հասանելի կդառնան:

Վարակից պաշտպանվելու պատրաստվածության աստիճանով (ReadyScore) Հայաստանն ունի 90 միավոր ու աշխատում է ավելի բարելավել դիրքերը: Առավել լավ պատրաստվածության ցուցանիշը 80 և ավելի բարձրն է:

Ըստ Preventepidemics.org-ի` վարակի կանխարգելման գործում Հայաստանի ուժեղ կողմերն են միջազգային սանիտարական համաձայնագրի համակարգումը, հաղորդակցությունը, կապը, պաշտպանությունը, կենդանական ծագմամբ հիվանդություններին դիմագրավումն ու անվտանգ սնունդը:

Հայաստանի թույլ կողմերից է միայն հակամանրէային դիմադրությունը, ինչը պարտադիր պետք է առաջնահերթություն դառնա՝ վարակը հայտնաբերելու, կանգնեցնելու և կանխարգելելու համար:

Հարթակը գրում է, որ համաճարակից պատրաստվածությունը չի վերաբերում միայն մեր երկրին. դա համաշխարհային խնդիր է: Այս դիտարկմամբ՝ ներկայումս Հայաստանը պատրաստ չէ համաճարակին: Ինչ կպատահի, եթե համաճարակ բռնկվի հարևան Ադրբեջանում, Վրաստանում, Իրանում ու Թուրքիայում:

ReadyScore աղյուսակում Վրաստանը 57-ն է, Ադրբեջանում սպասողական վիճակ է, Իրանի ու Թուրքիայի վիճակը դեռևս անհայտ է:

Ըստ քարտեզի` Հայաստանը 7-րդ տեղում է: