26.09.2026 | 20:38
Քաղաքացին ընկել է ջրհորը. նա հոսպիտալացվել է
Խոսում եք ատելության խոսքի դեմ պայքարի մասին, բայց ինքներդ սպառնում եք․ Քրիստինե Պողոսյանը՝ ԼՀԿ-ին. ՏԵՍԱՆՅՈՒԹ
Քաղաքականություն
05.03.2020 | 16:39
ԱԺ «Իմ քայլը» խմբակցության պատգամավոր Քրիստինե Պողոսյանը «Լուսավոր Հայաստան» խմբակցության ղեկավար Էդմոն Մարուքյանի հնչեցրած արտահայտությունը որակում է որպես սպառնալիք գործընկերոջ նկատմամբ։ Նշենք, որ խոսքը «Իմ քայլը» խմբակցության պատգամավոր Գևորգ Պապոյանի ելույթի ժամանակ հնչած արտահայտությունների մասին է։
«Մենք բոլորս ենք այդ մասին խոսում, բռնությունն ու ատելության խոսքը մերժելի է բոլորիս համար, ձեր ամբողջ խմբակցությունը խոսում է ատելության, բռնության դեմ պայքարի մասին, իսկ մի ամբողջ խմբակցության ղեկավար, կուսակցության նախագահ Պապոյանին ասում է՝ զգույշ խոսիր, քթիցդ արյուն չգա։ Ես սա կարող եմ ընդունել որպես սպառնալիք իմ գործընկերոջ նկատմամբ»,- նշեց պատգամավորը՝ կոչ անելով դուրս գալ երկակի ստանդարտներից։
Նշենք, որ Ազգային ժողովում քննարկվում է ՀՀ քրեական օրենսգրքում փոփոխություն կատարելու մասին նախագիծը, որով առաջարկվում է քրեականացնել բռնության քարոզն ու դրա արդարացումը։
Մանրամասները՝ տեսանյութում:
