18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Մեկ տարի է՝ հանձնարարական եմ տալիս, չեք փոխում. Նիկոլ Փաշինյանը բարկացավ. ՏԵՍԱՆՅՈՒԹ
Քաղաքականություն
05.03.2020 | 12:08
Կառավարության այսօրվա նիստում վարչապետ Նիկոլ Փաշինյանն անդրադարձավ վաղուց տված իր հանձնարարականին:
«Խոսքը մեր գերատեսչություններում տեղադրվող տարբեր ապարատների մասին է՝ վճարումների, սուրճի ապարատների: Ես հանձնարարական էի տվել, որ այդ գործառույթներն իրականացվեն մրցույթներով, այսինքն՝ ուղիղ որոշումներով նման հարցերը չկարգավորվեն, որպեսզի պետական գերատեսչության համար լավագույն պայմաններով արվի: Բայց ես տեղեկանում եմ, որ այդ հանձնարարականից հետո, կարծես թե, դեպք ենք ունեցել, երբ որոշում ենք կայացրել և ուղիղ գնում ենք կատարել այդ ծառայության: Որքան ես հասկանում եմ՝ այդ ապարատները տեղադրելու համար պետությանը ոչ մի վճարում չի արվում: Ես կարծում եմ, որ տեխնիկական առաջադրանքներով պետք է փորձենք մրցույթ հայտարարել և վարձավճար վերցնել, մի հատ տեսնենք՝ այդ տարբերակով հետարքրքվող կա՞, թե՞ չկա»,- ասաց նա։
Վարչապետը հիշեց, որ այս թեմայով էլի առանձին-առանձին ուղղություններով հանձնարարականներ է տվել 2018 թվականի հուլիս-օգոստոսից, բայց այսօր իմանում է, որ այդ հարցերը կարգավորված չեն։ Նա վարչապետի աշխատակազմի ղեկավար Էդուարդ Աղաջանյանից հետաքրքրվեց, թե ինչն է պատճառը: Վերջինն ասաց՝ սրանից մեկ տարի առաջ է հնչեցրել հանձնարարականը:
«Ձեր կողմից նշված խնդիրն արձանագրվել էր մեկ-երկու ուժային մարմնում և նախկինում գոյություն ունեցող կարգավորումները, Կառավարության որոշմամբ, հնարավորություն են տվել այդ մարմիներին առանց մրցույթի ձեռք բերվի»,- ասաց նա:
Վարչապետն ասաց՝ եթե ինքը հանձնարարական է տալիս, ի՞նչ կապ ունի, թե Կառավարության որոշմամբ ինչ կա:
«Կա որոշում, բերեք այդ որոշումը փոխեք, չեղյալ համարեք: Պարո՛ն Աղաջանյան, գիտեք, շատ մեծ պրոբլեմ է, երբ ես հանձնարարական եմ տալիս և դրանից մեկ տարի հետո իմանում եմ, որ լիարժեք և ամբողջովին կատարված չէ, սա ի՞նչ է նշանակում», – ասաց Փաշինյանը և հավելեց. «Ես հիմա հրապարակային բոլորի ներկայությամբ ասում եմ, որ բոլոր այն գերատեսչություններում, որտեղ տեղադրված են որևէ սուրճի, վճարումների որևէ ապարատ, բոլոր այդ ծառայությունների համար հնարավորինս ամենակարճ ժամկետում հայտարարել մրցույթ, և դրա համար պետք է պետությանը վճարում կատարեն»:
Մանրամասները՝ տեսանյութում:
Նարեկ Կիրակոսյան
