Քաղաքականություն
04.03.2020 | 19:16Ինձ հետաքրքրում է, թե ինչո՞ւ եք նման լալահառաչ տոնով այդ հարցը տալիս՝ իմանալով, որ դիզվառելիքի մեծ մասը նաև մնացած գյուղապետարաններում, այլ շրջանակներում մսխվում, գնում էր: ԱԺ-ում Կառավարության հետ հարցուպատասխանի ժամանակ այս մասին ասաց ՀՀ վարչապետ Նիկոլ Փաշինյանը՝ պատասխանելով «Լուսավոր Հայաստան» խմբակցության պատգամավոր Արմեն Եղիազարյանի հարցին։
Պատգամավորը, նշենք, ասել էր, որ այսօր գյուղացին անտեսված է, զրկվել է պետական աջակցությունից, պարարտանյութերի սուբսիդավորումը դադարեցված է։ Վարչապետն ընդգծեց, որ դրանով փակել են գողության մեխանիզմը։
«Մենք ասում ենք՝ գյուղացուն օգնում ենք աշխատել, իսկ Դուք ասում եք՝ գողության մեխանիզմն ինչու եք փակել, որոշ գյուղապետերի և որոշ «Ճ» կլասի պաշտոնյաների թողել անտեր: Լա՛վ ենք արել: Որովհետև տասնյակ քրեական գործեր կան դրանցով հարուցված: Այդ Դուք չեք կարդացե՞լ, որ սալյարկաներն ինչ բարձրաստիճան պաշտոնյաների էին բաժին հասնում: Չեք կարդացե՞լ, որ դիզվառելիքը, որ տալիս ենք, որ բաժանվում է հեկտարների, ստացվում է, որ մեծ հողամասեր ունեցողները մեծ քանակով վառելիք, սելիտրա են ստանում, և ստացվում է, որ օլիգարխներին ենք ֆինանսավորում: Եկել, ասում եք՝ գյուղացին մնացել է մենակ, էդ ո՞ր գյուղացին»,- հայտարարեց վարչապետը։
Մանրամասները՝ տեսանյութում:
