02.07.2026 | 18:18
Եգիպտոսի նախագահը շնորհավորել է վարչապետ Փաշինյանին ընտրություններում հաղթանակի առիթով
Ծրարով գումար ստացե՞լ եք, թե՝ չէ․ պատգամավորը՝ Էրիկ Գրիգորյանին. ՏԵՍԱՆՅՈՒԹ
Քաղաքականություն
04.03.2020 | 18:06
ԱԺ-ում Կառավարության հետ հարցուպատասխանի ժամանակ շարունակելով «ծրարով գումար» ստանալու թեման՝ «Լուսավոր Հայաստան» խմբակցության պատգամավոր Հրանտ Այվազյանը հարց ուղղեց շրջակա միջավայրի նախարար Էրիկ Գրիգորյանին՝ արդո՞ք նախկին իշխանություններից կամ միջազգային կառույցներից ծրարով գումար ստացել է:
«Ծրարով գումար երբևէ չեմ ստացել: Երբ աշխատել եմ նախարարությունում՝ մինչև 2011 թվականն եմ աշխատել, ունեմ 2010 թվականի հայտարարագիր, որտեղ նշված էին այն գումարները, որ ունեի: 2017-ին վերադարձա պետական համակարգ, կրկին ունեմ հայտարարագիր, որտեղ նշված է՝ ինչքան գումար ունեմ»,- նշեց Էրիկ Գրիգորյանը՝ հավելելով, որ միջազգային կառույցներում աշխատելիս ծրարով գումար ստացել է:
Նախարարը նաև ընդգծեց, որ պետական համակարգ վերադառնալուց հետո իր աշխատավարձը մոտ 10 անգամ նվազել է:
«Ես ստանում էի մոտ հինգ միլիոն դրամ, հետո՝ 340 հազար դրամ»,- եզրափակեց նախարարը:
Մանրամասները՝ տեսանյութում:
