11.12.2024 | 21:44
Ադրբեջանի ընդդիմությունը ԱՄՆ-ին ու ԵՄ-ին կոչ է անում երկրի իշխանությունների դեմ պատժամիջոցներ սահմանել
Եղե՞լ է նման բան, թե՝ ոչ․ Փաշինյանը ծրարով փող բաժանելու մասին Թանդիլյանի հարցին հարցով պատասխանեց. ՏԵՍԱՆՅՈՒԹ
Քաղաքականություն
04.03.2020 | 17:08
ԱԺ «Լուսավոր Հայաստան» խմբակցության պատգամավոր Մանե Թանդիլյանը վարչապետ Նիկոլ Փաշինյանից հետաքրքրվեց, թե արդյոք ճիշտ են տեղեկությունները, որ որոշ նախարարություններում մինչ օրս «ծրարով» գումար են տալիս աշխատակիցներին, ինչը խոսում է համակարգային կոռուպցիայի մասին։
Վարչապետը պատասխանեց․ «Ես այնքան հաճախ եմ հայտարարություններ անում, որ իրավապահ մարմինները ուղղակի չեն հասցնում դրանցով զբաղվել, ես էլ իմ դժգոհությունն եմ հայտնել մի քանի անգամ, որ իրավապահները ոչ ամբողջ ծավալով են իրականացնում այն հակակոռուպցիոն պայքարը, որը պետք է իրականացվի։ Դե ես, ճիշտն ասաց, նախարարներին հարցաքննելու սովորություն չունեմ և ցանկություն էլ չունեմ, և հույս ունեմ՝ իրավապահ մարմինները կհասցնեն իմ բոլոր հայտարարություններով զբաղվել, ինչը կնշանակի մենք համակարգային հաջողության ենք հասել»։
Թանդիլյանը արձագանքեց, որ եթե նախկինների դեպքում ասում էիք ծրարով գումար են տվել, ապա այժմ վարչապետի նշանակած կադրերն են և կարող է նրանցից հետաքրքրվել՝ իր ենթականերից։ Նիկոլ Փաշինյանը ի պատասխան այս հայտարարության՝ Թանդիլյանին հիշեցրեց, որ նա էլ է իր մոտ նախարար աշխատել․ «Եղե՞լ է նման բան, թե՝ ոչ»,- հարցրեց վարչապետն ու չսպասեց պատասխանի։
Մանրամասները՝ տեսանյութում։
