12.06.2026 | 01:05
ԱԱ-2026․ Երեք կարմիր քարտ ու տանտերերի հաղթանակ՝ բացման խաղում․ ՏԵՍԱՆՅՈՒԹ
Ի՞նչ են քննարկել Չավուշօղլուն և ԵԱՀԿ ՄԽ համանախագահները. Տարոն Սիմոնյանը՝ ԱԳ նախարարին. ՏԵՍԱՆՅՈՒԹ
Քաղաքականություն
04.03.2020 | 16:57
ՀՀ ԱԳՆ-ն տեղյա՞կ է եղել, որ ԵԱՀԿ Մինսկի խմբի համանախագահները հանդիպելու են Թուրքիայի ԱԳ նախարարի հետ և ինչի մասին է խոսք գնացել, քննարկվել։ ԱԺ-ում Կառավարության հետ հարցուպատասխանի ժամանակ նման հարց ուղղեց «Լուսավոր Հայաստան» խմբակցության պատգամավորը:
ԱԳ նախարար Զոհրաբ Մնացականյանը պատասխանեց, որ այդ հանդիպման մեջ որևէ արտառոց բան չկա։
«Այդ հանդիպումները նորություն չեն, արտառոց որևէ բան չկա։ Սա նորմալ, բնականոն աշխատանք է, որևէ մտահոգություն այս առումով չունենք՝ այն մասով, ինչ վերաբերում է համանախագահներին։ Միգուցե մի փոքր տարբերությունը նրանում էր, որ եղավ մեկնաբանություն Թուրքիայի կողմից, և մենք հանդես եկանք մեր հայտարարությամբ։ Հայաստանի և հայ ժողովրդի նկատմամբ ոչ բարեկամական քաղաքականություն ունեցող Թուրքիան չի կարող Լեռնային Ղարաբաղի խաղաղ կարգավորման գործընթացում որևէ դերակատարում ունենալ»,- հավելեց նախարարը։
«Շատ դիվանագիտական պատասխան է: Ես Ձեր հանգստությունը կկիսեի, եթե տարածաշրջանային այս իրադարձությունների բովում, համատեքստում չլիներ սա»,- արձագանքեց պատգամավորը։
Մանրամասները՝ տեսանյութում։
