10.08.2026 | 12:04
11 տարի հետախուզման մեջ գտնվող՝ 10.9 մլն եվրո հափշտակության գործով մեղադրյալը հայտնաբերվել է. նախաքննությունն ավարտվել է
ՏՄՊՊՀ-ն և Հայաստանի ամերիկյան համալսարանը համագործակցության պատրաստակամություն են հայտնել
03.03.2020 | 21:26
ՀՀ տնտեսական մրցակցության պաշտպանության պետական հանձնաժողովի նախագահ Գեղամ Գևորգյանն այսօր հյուրընկալել է Հայաստանի ամերիկյան համալսարանի նախագահ պրոֆեսոր Կարին Մարկիդեսին և գործարար կապերի պատասխանատու, դասախոս Կարեն Սարկավագյանին:
«Հանդիպման նպատակն էր քննարկել երկու կառույցների միջև համագործակցության հնարավորությունները: Ողջունելով հյուրերին՝ Գեղամ Գևորգյանը նշել է, որ ՏՄՊՊՀ-ն դեռևս նախորդ տարվանից կրթական հաստատությունների հետ նոր որակի և բովանդակությամբ համագործակցության ծավալմանն ուղղված նախաձեռնությամբ էր հանդես եկել՝ նպատակ ունենալով ամրապնդել պետական հատվածում աշխատաշուկայի և բուհ-երի միջև կապը, ինչպես նաև օգտագործել հանրապետության գիտական և մասնագիտական ներուժը՝ տնտեսական մրցակցությանն առնչվող ժամանակակից մարտահրավերների համար առավել արդյունավետ լուծումներ գտնելու աշխատանքներում:
Նա հավելել է, որ հանձնաժողովը պատրաստակամ է Հայաստանի ամերիկյան համալսարանի հետ նույնպես փոխշահավետ գործակցություն զարգացնել, որը կարող է ընդգրկել ուսանողների համար գործնական դասընթացների կազմակերպումը՝ հնարավորություն ընձեռելով նրանց մասնակցություն ունենալ ուսումնասիրությունների գործընթացներին, ինչպես նաև առանձին հարցերում համագործակցել՝ օգտագործելով համալսարանի մասնագիտական կարողությունները:
Հանդիպման մասնակիցները մասնավորապես քննարկել են թվային հարթակի ներդրման հարցում տվյալների վերլուծաբանի ներգրավման, հանձնաժողովի կողմից ավարտական աշխատանքների թեմաների պատվիրակմանը վերաբերող հարցեր, ինչպես նաև համագործակցության զարգացման այլ հնարավոր ուղղություններ` տնտեսական մրցակցությանն առնչվող խնդիրների կարգավորման, հանրային իրազեկման և վստահության ամրապնդման ուղղությամբ:
Հանդիպման արդյունքներով կողմերը պայմանավորվածություններ են ձեռք բերել համագործակցության զարգացման ուղղությամբ երկուստեք իրականացվելիք հետագա քայլերի շուրջ»,- ասված է հաղորդագրությունում:
