26.09.2026 | 20:38
Քաղաքացին ընկել է ջրհորը. նա հոսպիտալացվել է
Ուկրաինայում հաստատվել է կորոնավիրուսով վարակման առաջին դեպքը
Քաղաքականություն
03.03.2020 | 15:59
Ուկրաինայում գրանցվել է չինական նոր տեսակի կորոնավիրուսով (COVID-19) վարակման առաջին դեպքը։ Այս մասին հայտնում է Reuters-ը՝ հղում անելով Ուկրաինայի Առողջապահության նախարարության հանրային առողջության կենտրոնի ղեկավար Իգոր Կուզինին։
Հաղորդվում է, որ վարակակիրը տղամարդ է, որին շաբաթ՝ փետրվարի 29-ին, հոսպիտալացրել են Ուկրաինայի Չերնովցի քաղաքում։ Նա Ուկրաինա է վերադարձել Ռումինիայով Իտալիա ճամփորդելուց հետո։ Աղբյուրի փոխանցմամբ՝ տղամարդը կայուն վիճակում է եղել, և նրա կինը նրան տանը մեկուսացված է պահել։ Ավելի վաղ՝ Ուկրաինայի առողջապահության փոխնախարար Վիկտոր Լյաշկոն հայտարարել էր, որ նոր տեսակի կորոնավիրուսի կասկածով չորս անձ կա։
Հավելենք, որ վերջին տվյալներով՝ չինական նոր տեսակի կորոնավիրուսով վարակակիրների թիվն աշխարհում 90 հազարի է հասել, իսկ մահացությունների թիվը՝ 3100։
Նելլի Մելքոնյան
