07.07.2026 | 10:17
«Չայնիի ոլորաններ» կոչվող հատվածում տեղի է ունեցել քարաթափում
Նիկոլ Փաշինյանը շնորհավորական ուղերձ է հղել Բուլղարիայի վարչապետին Ազգային տոնի կապակցությամբ
Քաղաքականություն
03.03.2020 | 11:51
Վարչապետ Նիկոլ Փաշինյանը շնորհավորական ուղերձ է հղել Բուլղարիայի Հանրապետության վարչապետ Բոյկո Բորիսովին ազգային տոնի՝ Ազատագրման օրվա կապակցությամբ: Ուղերձում, մասնավորապես, նշված է.
«Ջերմորեն շնորհավորում և լավագույն մաղթանքներ եմ հղում Ձեզ և Բուլղարիայի բարեկամ ժողովրդին ազգային տոնի` Ազատագրման օրվա կապակցությամբ:
Մեծ գոհունակությամբ եմ արձանագրում, որ դարերի կնիքը կրող մեր ավանդական, բարեկամական հարաբերությունները հետևողականորեն զարգացել և ամրապնդվել են նաև դիվանագիտական հարաբերությունների հաստատումից ի վեր:
Ջերմությամբ եմ հիշում վերջերս Մյունխենի անվտանգության համաժողովի շրջանակում կայացած մեր հանդիպումը, որի ժամանակ հայ-բուլղարական երկկողմ օրակարգի վերաբերյալ ունեցանք արդյունավետ քննարկում: Համոզված եմ, որ մեզ կհաջողվի առավել ընդգրկուն և համապարփակ դարձնել մեր համագործակցությունը՝ հարստացնելով այն նոր և բովանդակալից ծրագրերով:
Մաղթում եմ Ձեզ բեղուն աշխատանքային գործունեություն և նորանոր հաջողություններ, իսկ Բուլղարիայի բարեկամ ժողովրդին՝ գարնանային ծաղկունք և հարատև խաղաղություն»:
