13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Իրանի հետ վիզային ռեժիմը ժամանակավոր կվերականգնվի. Նիկոլ Փաշինյան. ՏԵՍԱՆՅՈՒԹ
Տնտեսություն
02.03.2020 | 13:29
Հաշվի առնելով համաճարակային վիճակը մեր տարածաշրջանում՝ որոշում կայացրեցինք երկարացնել և խստացնել սահմանափակումները հայ-իրանական սահմանով հաղորդակցության ուղղությամբ: Կորոնավիրուսի տարածումը կանխարգելող աշխատանքային խմբի նիստին այս մասին հայտարարեց ՀՀ վարչապետ Նիկոլ Փաշինյանը։
«Մենք կսկսենք Իրանի հետ ժամանակավորապես վիզային ռեժիմը վերականգնելու գործընթացը, և 5 օրվա մեջ վիզային ռեժիմը կվերականգնվի։ Իհարկե, Իրանի մեր գործընկերների հետ մշտական հաղորդակցության մեջ ենք, մեր զորակցությունն ենք հայտնում Իրանի բարեկամ ժողովրդին և կառավարությանը՝ այս դժվար իրավիճակը հաղթահարելու գործում: Ինչով հնարավորություն կունենանք, մեր հնարավորությունների սահմաններում կաջակցենք Իրանի հարևան և բարեկամ ժողովրդին և կառավարությանը»,- ասաց վարչապետը։
Փաշինյանը նաև կոչ արեց հնարավորինս սահմանափակել ուղևորություններն Իտալիայի և Թուրքիայի ուղղությամբ:
«Հարց է հնչելու՝ ինչո՞ւ այլ ուղղություննեերով հաղորդակցությունը չենք փակում: Հնարավոր չէ բոլոր ուղղություններով փակել, դա նշանակում է հարյուր տոկոսով մեկուսանալ, այս պահին մենք գնահատում ենք ամենառիսկային ուղղությունները»,- նշեց Նիկոլ Փաշինյանը:
Մանրամասները՝ տեսանյութում:
