11.02.2026 | 23:36
Քարաթափումներ Երևան-Մեղրի ավտոճանապարհին. վնասվել են ավտոմեքենաներ
Կորոնավիրուսը Չեխիա է հասել
Քաղաքականություն
02.03.2020 | 11:22
Չեխիայում նոր տեսակի կորոնավիրուսով ախտահարման առաջին երեք դեպքն է գրանցվել: Այս մասին հայտնում է Prague Morning չեխական պարբերականը:
Տեղի առողջապահության նախարար Ադամ Վոյտեխը հայտնել է, որ հիվանդներից մեկը գտնվում է մայրաքաղաք Պրահայի «Na Bulovce» հիվանդանոցում, իսկ մյուսը բուժվում է Ուստի Նադ Լաբեմ քաղաքում:
Վարակակիրները մեկուսացված են: Նախարարի խոսքով ՝ հիվանդության ընթացքը լուրջ չէ: Նախնական տվյալներով՝ հիվանդները վերջերս Չեխիա են վերադարձել Իտալիայից: Հավելենք, որ նոր տեսակի չինական կորոնավիրուսով (COVID-19) վարակման դեպքերն աշխարհում 88 հազարի են հասել, իսկ մահացությունների թիվը՝ 3000-ի:
Նելլի Մելքոնյան
