02.04.2026 | 12:21
Գերագույն հոգևոր խորհրդի անդամը՝ սինոդ ստեղծելու Պոլսո Հայոց պատրիարքի առաջարկի մասին․ ՏԵՍԱՆՅՈՒԹ
Կորոնավիրուսի 2-րդ դեպքը Վրաստանում
Քաղաքականություն
28.02.2020 | 18:46
Վրաստանում կորոնավիրոսով 2-րդ մարդն է վարակվել. հայտնում է aliq.ge-ն:
Լուրը հայտնել է Հիվանդությունների ազգային կենտրոնի տնօրեն Ամիրան Գամկրելիձեն՝ մամուլի ասուլիսի ընթացքում: Վարակված քաղաքացին ժամանել է Իտալիայից: Նրա մոտ նախանշաններ են նկատվել վերադառնալուց մեկ օր անց, քաղաքացին անձամբ է դիմել ինֆեկցիոն կլինիկա՝ հետազոտության: Այս պահին ինտենսիվ աշխատանք է տարվում՝ քաղաքացու հետ կոնտակտի մեջ եղած մնացած անձանց ուղղությամբ: Մասնագետների խոսքով՝ հիվանդի վիճակն այս պահին բավարար է:
Հիշեցնենք՝ 1-ին դեպքը հաստատվել է փետրվարի 26-ին:
Կովկասյան համալսարանի պատվիրակությունը, որ վերադարձել է Իրանից, երկու շաբաթ կանցկացնի կարանտինում։
Վրացական համալսարանի ներկայացուցիչները նույն ինքնաթիռում են եղել Իրանի այն քաղաքացիների հետ, որոնց արգելվել է մուտք գործել երկիր` վիրուսի կասկածելի նախանշանների պատճառով։ Պատվիրակության կազմում 16 մարդ է եղել, նրանց մոտ կորոնավիրուս չի հայտնաբերվել, նրանք սկրինինգ են անցել։
