Տեսանյութեր
28.02.2020 | 16:33Արկտիկայում սառույցի մակարդակը նվազել է 40%-ով։ Պատճառը ջերմաստիճանի բարձրացումն է։ Սննդային պաշարի սակավության հետևանքով բևեռային արջերը փոկերով են սնվում, հաճախ էլ՝ միմյանց ուտում։
Մայր արջերն ուտում են իրենց ձագերին, արու արջերը՝ ավելի փոքր էգերին։ Բարձր ջերմաստիճանից սառույցի շերտերը հալվում են և բևեռային արջերն իրենց տարածքից տեղաշարժվում են դեպի ափամերձ տարածքներ։ Գլոբալ տաքացման հետևանքով Անտարկտիդայում էլ սառույցն արյան գույն է ստացել։
Ուկրաինացի գիտնականները պարզել են, որ ձյան մեջ կարմիր երանգը պայմանավորված է «Chlamydomonas Nivalis» տեսակի ջրիմուռներով: Ջրիմուռները սառույցի շերտի մեջ ծաղկում են, երբ եղանակը տաք է․ պարզաբանել են գիտնականները։
ՄԱԿ-ի համաշխարհային օդերևութաբանական կազմակերպության տվյալներով՝ Անտարկտիդայի թերակղզին մոլորակի ամենաարագ տաքացող շրջաններից է։ Այնտեղ ջերմաստիճանը վերջին 50 տարվա ընթացքում բարձրացել է գրեթե 3 աստիճանով։ Փետրվարի սկզբին այնտեղ ջերմաստիճանը հասել է ռեկորդային 18․3°C-ի։ Երևույթը պարբերաբար նկատվում է նաև Արկտիկայի, Ալպերի և այլ լեռնային շրջաններում:
Մանրամասները՝ տեսանյութում։
Նելլի Մելքոնյան
