26.09.2026 | 20:38
Քաղաքացին ընկել է ջրհորը. նա հոսպիտալացվել է
Կորոնավիրուսը Բելառուս, Նոր Զելանդիա և Լիտվա է հասել
Քաղաքականություն
28.02.2020 | 11:51
Բելառուսում, Նոր Զելանդիայում և Լիտվայում գրանցվել են չինական նոր կորոնավիրուսով վարակման առաջին դեպքերը։ Այս մասին հայտնում է Reuters-ը՝ հղում անելով երկու երկրների Առողջապահության նախարարություններին։
Նշվում է, որ Բելառուսում վարակը հայտնաբերվել է Իրանից ժամանած ուսանողի մոտ։ Նոր Զելանդիայի դեպքում նույնպես՝ վարակակիրը Իրանից վերադարձած քաղաքացի է։ Երկրի առողջապահության նախարարը հայտարարել է, որ խմբային վարակի հավանականությունը ցածր է։
Աղբյուրի փոխանցմամբ՝ հետազոտվելու են նաև վարակակրի ընտանիքի անդամները։
Լիտվայում հայտնաբերված վարակակիրն էլ Իտալիայից է վերադարձել։ Նրան ու նրա երեք հարազատներին հսկողության տակ են պահում։ Նշենք, որ վերջին տվյալներով` չինական նոր կորոնավիրուսի վարակակիրների թիվը 83 հազարի է հասել, մահացությունների թիվը՝ 2800-ի։
Նելլի Մելքոնյան
