10.01.2025 | 23:14
ՊԵԿ նախագահն ընդունել է Հնդկաստանի դեսպանին
Ընդդիմությունն ասում էր՝ Տարոնի ժամանակ լավ չէ՞ր, ձյուն էինք տեսնում. Տիգրան Վիրաբյան. ՏԵՍԱՆՅՈՒԹ
Քաղաքականություն
27.02.2020 | 20:00
«Առկա վիրուսներին զուգահեռ Երևանի դպրոցներում բացակայությունների թիվը նվազել է»,- այս մասին Factor TV-ի հետ զրույցում հայտարարեց Երևանի քաղաքապետի տեղակալ Տիգրան Վիրաբյանը՝ ընդգծելով, որ մի քանի օր առաջ բացակայությունների թիվն աճել էր՝ հասնելով 19 տոկոսի:
«Եթե լինի դասապրոցեսն ընդհատելու անհրաժեշտություն՝ կտեղեկացնենք»,- ասաց քաղաքապետի տեղակալը:
Տիգրան Վիրաբյանն անդրադառնալով քաղաքային նոր իշխանությունների աշխատանքի արդյունավետությանն ասաց, որ հնչում են և՛ դժգոհություններ, և՛ երախտիքի խոսքեր:
«Կան ոլորտներ որտեղ մենք հաջողել ենք, կան ոլորտներ որտեղ աշխատանքն այնքան էլ երևացող չէ: Այս քաղաքային իշխանությունը մի թերություն ունի, որ իր բոլոր նախանշած ծրագրերը հեռանկարային են, որոնց արդյունքներն այսօր երևացող չեն, երկար տարիներ այդ աշխատանքը չի արվել: Ցանկացած քաղաքային իշխանություն փորձել է անել այնպիսի աշխատանք, որ իր ղեկավարման տարիների ընթացքում կլինի երևացող: Երևանում ոչ մի քաղաքային իշխանություն աղբի տեսակավորման մասին չի մտածել: Աղբի տեսակավորման գործընթացի պտուղները Երևանը քաղելու է տասը տարի հետո»:
Մեր դիտարկմանը, որ ընդդիմությունը քննադատեց քաղաքային իշխանությանը՝ մեկ-երկու օրերի եկած ձյան մաքրման աշխատանքները ձախողելու համար, Տիգրան Վիրաբյանը նկատեց. «Դեկտեմբեր ամսին, երբ եկավ առաջին ձյունը, ընդդիմությունը և քաղաքի բնակիչները թևավոր խոսքեր էին ասում՝ չկարողացանք ձյուն տեսնել, Տարոնի ժամանակ լավ չէ՞ր, գոնե երեխաները ձյուն էին տեսնում, Մարության Հայկի ժամանակ ձյունը օդից բռնեցին: Հունվարին կային խնդիրներ՝ կապված մայթերի հետ»,- ասաց նա:
Հարցազրույցն ամբողջությամբ՝ տեսանյութում:
Նարեկ Կիրակոսյան
