13.07.2026 | 23:14
ԵՄ-ն պատժամիջոցներ է սահմանել VK-ի նկատմամբ
Իրականացվել է կորոնավիրուսային վարակի 95 հետազոտություն՝ բացասական արդյունքով․ ՀՀ ԱՆ
Հասարակություն
27.02.2020 | 19:17
Նոր կորոնավիրուսային վարակի (CՕVID-19) դեմ պայքարի համալիր միջոցառումները՝ սահմանային հսկողությունից մինչ լաբորատոր հետազոտություններ շարունակվում են: Իրականացվել է 95 հետազոտություն՝ բացասական արդյունքով: Այս մասին Factor.am-ին հայտնում են ՀՀ Առողջապահության նախարարությունից։
«Հանրապետության բժշկական կազմակերպություններում նոր կորոնավիրուսային վարակի (CՕVID-19) դիմակայումն ապահովելու համար իրականացվում են բուժանձնակազմի պատրաստվածությանն ուղղված միջոցառումներ: Մշտական կապ է հաստատվել Առողջապահության համաշխարհային կազմակերպության և տարածաշրջանի գործընկերների հետ՝ վարակի դեմ պայքարի գործում կարողությունների քննարկման նպատակով»,- ասվում է նախարարության հաղորդագրության մեջ։
Առողջապահության համաշխարհային կազմակերպության տվյալներով` փետրվարի 26-ի դրությամբ գլոբալ մակարդակով արձանագրվել է նոր կորոնավիրոսային վարակի (COVID-19) 81․109 հաստատված դեպք: Միայն Չինաստանում արձանագրվել է 78191 դեպք, որից 2718-ը ՝ մահվան ելքով: Չինաստանից դուրս 37 երկրում արձանագրվել է 2918 դեպք, որից 43-ը մահվան ելքով:
