22.06.2026 | 01:08
ԱԱ-2026. Բելգիան ու Իրանը չպարզեցին հաղթողին. ՏԵՍԱՆՅՈՒԹ
Վրաստանում կորոնավիրուսի առաջին դեպքն ու «դատարկված» սուպերմարկետները և դեղատները
Քաղաքականություն
27.02.2020 | 16:07
Վրաստանում կորոնավիրուսի առաջին դեպքի հաստատումից հետո սոցցանցերի վրացական խմբերում օգտատերերը սկսել են խուճապի մատնված գրառումներ կատարել. գրում է aliq.ge-ն:
Ոմանք կոչ են անում դեղատներից շտապ դիմակներ գնել, քանի դեռ չեն վերջացել, ոմանք՝ աղոթքի տողեր են հրապարակում՝ կոչ անելով «միասին աղոթել Վրաստանում կորոնավիրուսի տարածման դեմ», ոմանք էլ միանգամից սկսել են գործել՝ Թբիլիսիի սուպերմարկետներից գնելով սնունդ ու կենցաղային պարագաներ:
Այս լուսանկարները տարածվել են «ֆեյսբուք» սոցիալական ցանցի վրացական խմբերում. դիմակներով քաղաքացիները դեղատներից, սուպերմարկետներից գնում են անհրաժեշտ պարագաները: Սուպերմարկետները «դատարկված» են: Որոշ օգտատերեր կատակում են՝ «Նոր տարի է եկել»:
