14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
«Այո»-ի լոգոյի հեղինակը, ամենայն հավանականությամբ, Հենրիկ Մամյանն է
26.02.2020 | 19:45
1991–ի Անկախության հանրաքվեի «Այո»–ի` արդեն հայտնի նկարի հեղինակը, ամենայն հավանականությամբ, ՀՀ ժողովրդական նկարիչ Հենրիկ Մամյանն է:
Այս մասին Factor.am-ի հետ զրույցում նշեց 1991 թվականին «Երեկոյան Երևան» օրաթերթի խմբագիր Նորայր Ենգիբարյանը։
«90%-ով ինքն է հեղինակը: Լավ հիշում եմ, որ նա այդ օրերին եկել է խմբագրություն և նկար բերել: Այդ նկարն իր նկարների ոճին շատ նման է»,- ասաց Նորայր Ենգիբարյանը:
Հիշեցնենք, որ երեկ «Քաղաքացիական պայմանագիր» կուսակցության «Այո»-ի շտաբի դրամահավաք-երեկոյի ընթացքում հայտնի էր դարձել «Այո»-ի քարոզչական բրենդինգի բաց մրցույթի հաղթողը, որի հեղինակած լոգոն օգտագործվելու է քարոզչության ընթացքում։ Լոգոն հրապարակելուց հետո ֆեյսբուքում լուրեր էին շրջանառվում այն մասին, որ լոգոն գրագողություն է՝ վերցված 90-ականներից։
Նելլի Մելքոնյան
