Փետրվարի 28-ին Երևանի կենդանաբանական այգին կվերսկսի իր բնականոն գործունեությունը:
Այս մասին տեղեկանում ենք Կենդանաբանական այգու ֆեյսբուքյան էջից։ «Մեր անձնակազմն անում է հնարավորը` այցելուներին ապահով, առողջ ու հաճելի միջավայրում ընդունելու համար: Սիրով սպասում ենք: Հուսով ենք, որ ձեզանից յուրաքանչյուրը կպահպանի այգու գեղեցկությունն ու մաքրությունը: Առաջիկայում կենդանաբանական այգու թիմը նոր, թարմ ու հետաքրքիր միջոցառումներով ավելի կաշխուժացնի այգու առօրյան:
Սպասեք անակնկալների»,- նշված է Կենդանաբանական այգու ֆեյսբուքյան էջում։ Հիշեցնենք, որ փետրվարի 5-ին Երևանի կենդանաբանական այգում ուղտ էր անկել։ Ուղտից վերցված նմուշներում հայտնաբերվել էին տուբերկուլյոզի հարուցիչներին բնորոշ մանրէներ, և այգին փակվել էր կարանտինային/կանխարգելիչ միջոցառումներ իրականացնելու նպատակով:
Նելլի Մելքոնյան
