30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
«Ջայ Ջագաթ 2020» քայլարշավի մասնակիցները Հարժիսից քայլել են Նորավան
Հասարակություն
26.02.2020 | 15:06
Երեկ՝25․02․2020թ-ին «Հանուն Արդարության և խաղաղության» խորագրով «Ջայ Ջագաթ 2020» միջազգային քայլարշավի մասնակիցները Հարժիսից քայլել են դեպի Նորավան։
«Օրը սկսվել է Հարժիսի միջնական դպրոցի երեխաների հետ հանդիպմամբ։ Այս հանդիպման ժամանակ ջայջագաթցիները քննարկեցին խաղաղ աշխարհի վերաբերյալ իրենց տեսլականը։
Մասնակիցները նաև պարզեցին աշակերտների ուղերձները, որոնք կհնչեցնեն Ժնևում։
Այնուհետ, քայլարշավականները անցնելով 14կմ, հասել են Նորավան։
Այստեղ նրանց ջերմ ընդունելությամբ ու աղու հացով են դիմավորել Նորավանի միջնակարգ դպրոցի աշակերտները։
Հիշեցնենքն, որ մասնակիցները եղել են արդեն Մեղրիում Քաջարանում, Անդոկավանում, Կապանում, Արծվանիկում, Շուռնուխում, Որոտանում և Գորիսում։
Տնտեսական, սոցիալական և շրջակա միջավայրի խորացող խնդիրների շուրջ համամարդկային համախմբման կոչով գլոբալ քայլարշավը` մարդու իրավունքների գերակայության վրա խարսխված հոգատար միջավայր ձևավորելու նպատակ ունի:
Մահաթմա Գանդիի 150-ամյակին նվիրված քայլարշավը մեկնարկել է 2019 թվականի հոկտեմբերի 2-ին՝ Նյու Դելիից (Հնդկաստան): Ներառելով աշխարի 10 պետություն և անցնելով շուրջ 14 հազար կմ ճանապարհ` քայլարշավի նպատակն է հասնել Ժնև (Շվեյցարիա) 2020թ․ սեպտեմբերին, որտեղ Ջայ Ջագաթի մասնակիցները միանալու են տեղական նախաձեռնությունների 8-օրյա համաժողովին:
Քայլարշավի աշխարհագրության մեջ ներառված երկրներում Հնդկաստանից և աշխարհի մի շարք այլ պետություններից ժամանած շուրջ 50 մասնակիցներն ու պատվիրակներն իրականացնելու են ոչ բռնի փոփոխություններին նվիրված համաժողովներ, դասընթացներ, թրեյնինգներ, հանրային քննարկումներ և այլ միջոցառումներ:
Ջայջագաթցիները հայ-իրանական հարավային սահմանից կքայլեն մինչև հայ-վրացական սահման՝ ճանապարհին հյուրընկալվելով Հայաստանի գյուղերում և քաղաքներում, հանդիպելով տեղի բնակչությանը, այցելելով պատմամշակութային հուշարձաններ և կոթողներ:
Քայլարշավի մասնակիցները ներկա կլինեն նաև Թավշյա հեղափոխության 2-ամյակին նվիրված Երևանում կայանալիք «Ոչ բռնությանը» համաժողովին, ինչպես նաև՝ Մահաթմա Գանդիի արձանի բացման հանդիսավոր արարողությանը»,- ասված է հաղորդագրությունում:
