12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
Տարկետման վերացման մասին օրինագիծը չի քննարկվել ակադեմիայում. ակադեմիկոս Լենսեր Աղալովյան
Հասարակություն
26.10.2017 | 19:00
Չնայած «Զինծառայության ու զինծառայողի կարգավիճակի մասին» օրենքի նախագիծը գնահատվում է վտանգավոր՝ գիտության զարգացման համար, սակայն Գիտությունների ազգային ակադեմիայում այն չի քննարկվել:
ՀՀ ԳԱԱ ակադեմիկոս, ակադեմիայի նախագահության անդամ Լենսեր Աղալովյանը Factor.am-ի հետ զրույցում ասում է, որ ՊՆ-ն այն չի քննարկել ակադեմիայի հետ, քանի որ հասկանում է՝ «ակադեմիան գիտի պետության ծանր վիճակը»:
Ակադեմիկոսը համարում է, որ առաջնայինը զինծառայությունն է, իսկ նա, ով սիրել է գիտությունը, անպայման կզբաղվի դրանով. «Գիտությունը սիրահարների ձեռքին է»:
Լենսեր Աղալովյանն ասում է, որ պետք է ստեղծվեն ռազմական ամբիոններ, որպեսզի ուսանողները միաժամանակ սովորեն և ստանան սպայի կոչում:
Ըստ ակադեմիկոսի՝ գիտության իրական «տրագեդիան» փոքր ֆինանսավորման մեջ է, քանի որ երիտասարդները հեռանում են գիտությունից հենց այդ պատճառով:
Մանրամասները դիտեք ակադեմիկոս Լենսեր Աղալովյանի հետ Factor.am-ի հարցազրույցում:
Մարինե Խառատյան
