04.08.2026 | 21:56
Չեմպիոնների լիգա․ «Արարատ-Արմենիան» կամային հաղթանակ տարավ «Ցելյեի» նկատմամբ. ՏԵՍԱՆՅՈՒԹ
Իրանի առողջապահության փոխնախարարի մոտ կորոնավիրուս է հայտնաբերվել
Քաղաքականություն
25.02.2020 | 20:14
Իրանի առողջապահության փոխնախարար Իրաջ Հարիրչին վարակվել է կորոնավիրուսով։ Այս մասին հայտնում է telegraph-ը։
Աղբյուրի փոխանցմամբ՝ երեկ Իրաջ Հարիրչիի և Իրանի կառավարության ներկայացուցիչ Ալի Ռաբիի մասնակցությամբ մամուլի ասուլիս է տեղի ունեցել, որի ընթացքում փոխնախարարը մի քանի անգամ հազացել է:
Հետագայում՝ կորոնավիրուսի նրա թեստը դրական արդյունք է արձանագրել։ Իրանցի պատգամավոր Մահմուդ Սադեղին էլ թվիթերյան իր միկրոբլոգում գրառում է կատարել՝ հայտնելով, որ իր մոտ նույնպես COVID-19 է հայտնաբերվել։
«Իմ թեստը դրական արդյունք է տվել։ Կյանքս շարունակելու համար այնքան էլ մեծ հույսեր չունեմ»,- գրել է իրանցի պատգամավորը։
Նշենք, որ Իրանը չինական նոր կորոնավիրուսի մահացությունների թվով Չինաստանից հետո երկրորդն է։ Իրանում COVID-19-ից 16 մարդ է մահացել։
Նելլի Մելքոնյան
