10.09.2026 | 17:01
1.45 մլրդ դրամ՝ Գյումրու թիվ 2 պոլիկլինիկայի հիմնանորոգման համար
ԵԽ-ն ժամանակ է տվել Ադրբեջանին՝ ընդդիմադիր գործչին ազատ արձակելու համար
Քաղաքականություն
26.10.2017 | 18:21
ԵԽ նախարարների կոմիտեն պաշտոնապես դիմել է Ադրբեջանին`բացատրություն պահանջելով, թե ինչու կյանքի չի կոչվել ՄԻԵԴ վճիռը ադրբեջանցի ընդդիմադիր գործիչ Իլգար Մամեդովի գործով. հայտնում է Եվրոպայի խորհրդի պաշտոնական կայքը:
ԵԽ նախարարների կոմիտեն հիշեցրել է, որ իր գործառույթների մեջ է մտնում՝ հսկել ՄԻԵԴ-ի վճիռների կատարումը:
Եվրոպական դատարանը համարում է, որ Մամեդովի կալանավորմամբ Ադրբեջանը խախտել է Մարդու իրավունքների և հիմնարար ազատությունների պաշտպանության կոնվենցիայի 46-րդ հոդված մի շարք դրույթներ:
Որպես անհրաժեշտ քայլ Ադրբեջանը պարտավորվել էր ազատ արձակել Մամեդովին, ով, սակայն, շարունակում է մնալ անազատության մեջ: Եվրոպական խորհրդի Նախարարների կոմիտեն արձանագրել է, որ Մամեդովին ազատ չարձակելով Ադրբեջանը հրաժարվել է ենթարկվել ՄԻԵԴ վերջնական որոշմանը: Հետևաբար, ՄԻԵԴ-ը պաշտոնապես դիմել է ադրբեջանական կողմին՝ հայտնելով, որ դիմելու են դատարան՝ առաջ քաշելու Ադրբեջանի կողմից պարտականությունների կատարման ձախողման հարցը:
Այս կապակցությամբ նախարարների խորհուրդը Ադրբեջանից նաև պահանջել է մինչև նոյեմբերի 29-ը ներկայացնել իր կողմի տեսակետը հարցի առնչությամբ:
Հիշեցնենք, որ Մամեդովը ձերբակալվել է 2013 թվականի փետրվարին և մեղադրվել Ադրբեջանում անկարգությունների կազմակերպմանն աջակցելու համար:
