29.04.2026 | 19:27
Կհայտարարվի «Մշակութային վերջին զանգ» մրցույթը, կխստացվի դրամահավաքների արգելքը. ԿԳՄՍՆ
Խուզարկություն Ջիգարխանյանի թատրոնում. դերասանը հաղորդում է տվել իր անձնագիրը գողանալու մասին
26.10.2017 | 19:17
Արմեն Ջիգարխանյանի թատրոնում կատարվող խուզարկությունը կապված է նրա անձնագրի գողության քրգործի հետաքննության հետ. փոխանցում է TASS-ը:
«Մայրաքաղաքի ոստիկանությունը ՌԴ ՔՕ 325-րդ հոդվածով նախատեսված հանցագործության նշաններով հարուցված քրգործի հետաքննության շրջանակներում հետաքննչական գործողություններ է իրականացնում դիմումատուի աշխատանքի վայրում»,- ասվում է ՌԴ իրավապահների հայտարարության մեջ:
Ավելի վաղ հայտնի էր դարձել, որ Ջիգարխանյանը ոստիկանություն է դիմել բողոքով, որ իր անձնագիրը գողացել են: Դերասանը պատրաստվում էր ապահարզանի համար դիմել դատարան ու պարզել է, որ անձնագիրը հափշտակել են:
Հիշեցենենք, որ 2016թ. փետրվարի 25-ին 80-ամյա Արմեն Ջիգարխանյանն ամուսնացել էր 36-ամյա Վիտալինա Ցիմբալյուկ-Ռոմանովսկայայի հետ, ով արդեն մի քանի տարի է Մոսկվայի Ջիգարխանյանի անվան դրամատիկական թատրոնի տնօրենն է:
