17.11.2024 | 23:16
Բայդենը թույլատրել է Ուկրաինային օգտագործել ԱՄՆ-ից մատակարարված հեռահար հրթիռները․ AP
Պետք չի վախենալ 25 տարեկաններից․ նախարարը՝ դատավորների տարիքի մասին. ՏԵՍԱՆՅՈՒԹ
Քաղաքականություն
25.02.2020 | 17:02
Արդարադատության նախարար Ռուստամ Բադասյանը գոհ է Ազգային ժողովում կազմակերպած դատական օրենսգրքի փոփոխություններին վերաբերող լսումներից: Ասաց՝ հնարավորություն ունեցան բոլորովին այլ տեսանկյունից նայել օրենսգրքի խնդիրներին:
Անդրադառնալով հնչած ելույթներին՝ նախարարն ասաց, որ այս դատական օրենսգիրքն ապագայի մասին է: «Անցյալի մասով՝ մենք չենք ասում, որ անցյալի էջը փակում ենք՝ առանց գնահատական տալու, անցյալի գնահատականը կտրվի ոչ թե քրեական հետապնդումներ հարուցելով, այլ արձանագրելով այն խնդիրները, որոնք եղել են, այն պատճառները, որոնք բերել են մարդու իրավունքների զանգվածային խախտումների, ապագայում դրանք բացառելու և, բնականաբար, հատուցման տարբեր ձևերով տուժողների իրավունքները վերականգնելու մասով»,- ասաց Ռուստամ Բադասյանը:
Ինչ վերաբերում է դատավորների տարիքի վերաբերյալ քննադատություններին, նախարարի խոսքով՝ «որոշ փորձառու դատավորներ ձևավորել են շատ վատ համբավ ամբողջ դատական համակարգի համար»:
«Եթե ստացված մասնավոր ոլորտի փորձը վերցնենք, այնտեղ կապ չունի տարիքը, ի սկզբանե անձը կատարում է որոշակի բարդության գործ: Կարծում եմ՝ նույն մոտեցումը պետք է որդեգրել դատական համակարգում, և պետք չի վախենալ 25 տարեկաններից, մանավանդ, որ 25 տարեկաններ դատական համակարգում դժվար թե ունենանք»,- ասաց նա:
Մանրամասները՝ տեսանյութում:
