20.01.2026 | 18:53
Հայաստանը՝ Թրամփի «Խաղաղության խորհրդում»․ մշտական անդամ դառնալու գինը 1 մլրդ դոլար է. ՏԵՍԱՆՅՈՒԹ
Սերժ Սարգսյանի դատավարությանը եկած քաղաքացիները խուսափում են խոսել. ՏԵՍԱՆՅՈՒԹ
Քաղաքականություն
25.02.2020 | 16:32
Այսօր Երևանի ընդհանուր իրավասության դատարանում դատավոր Վահե Միսակյանի նախագահությամբ նշանակված է «դիզվառելիքի գործով» Սերժ Սարգսյանի դատավարության առաջին նիստը: Գործով մեղադրյալներ են նաև նախկին գյուղնախարար Սերգո Կարապետյանն ու Սերժ Սարգսյանի մտերիմ, գործարար, «Ֆլեշ» ընկերության սեփականատեր Բարսեղ Բեգլարյանը, ինչպես նաև գյուղնախարարության նախկին պաշտոնյա Գևորգ Հարությունյանը։
Հիշեցնենք, որ 2019-ի դեկտեմբերի սկզբին Հայաստանի երրորդ նախագահ Սերժ Սարգսյանին ՀՔԾ-ի կողմից մեղադրանք առաջադրվեց գյուղացիներին մատչելի գներով դիզվառելիքի մատակարարման պետական ծրագրով մոտ կես միլիարդ դրամ գումարի հափշտակության կատարումը կազմակերպելու համար: Ըստ առաջադրված մեղադրանքի՝ 2013-ին գյուղացիներին մատչելի դիզվառելիքի մատակարարման ծրագրով, որով նախատեսվել է հողօգտագործողներին վաճառել ավելի քան 17 միլիոն լիտր դիզելային վառելիք, ամենաէժան գնային առաջարկը ներկայացրել է «Մաքսհուր» ընկերությունը, սակայն Սերժ Սարգսյանի հրահանգով պայմանագիրը կնքվել է ավելի բարձր գին առաջարկած «Ֆլեշ» ընկերության հետ, որին պետական միջոցներից վճարվել է 1.8 մլրդ դրամ: Սերժ Սարգսյանը, ինչպես նաև գործով անցնող մյուս անձիք չեն ընդունում իրենց առաջադրված մեղադրանքը։
Մինչ դատավարության մեկնարկը՝ դատարանի բակում հավաքվել են Սերժ Սարգսյանի աջակիցները, որոնք այս գործընթացը որակում են քաղաքական ճնշում: Դատարանի բակ եկած քաղաքացիներից Factor.am-ը փորձեց հասկանալ, թե ինչ նպատակով են եկել ակցիային։ Նրանք, սակայն, հրաժարվում էին պատասխանել մեր հարցերին։
Մանրամասները՝ տեսանյութում։
