15.12.2025 | 16:17
Զելենսկին չի բացառել ՆԱՏՕ-ին անդամակցելուց հրաժարվելու հնարավորությունը, եթե Կիևն անվտանգության երաշխիքներ ստանա
Այս նախագիծը նպաստում է, որ ոչ թե ունենանք անկախ դատավոր, այլ վախեցած դատավոր․ Տարոն Սիմոնյան. ՏԵՍԱՆՅՈՒԹ
Քաղաքականություն
25.02.2020 | 16:30
Ազգային ժողովում այսօր հրավիրված դատական օրենսգրքի փոփոխությունների վերաբերյալ լսումների ժամանակ «Լուսավոր Հայաստան» խմբակցության պատգամավոր Տարոն Սիմոնյանն ասաց՝ քաղաքական իշխանությունները նախկինում հայտարարում էին, թե ամբողջ դատական իշխանությունը կոռումպացված է, և կարելի է մեկ-երկու դատավոր գտնել, իսկ մնացածը վատն են, մինչդեռ այսօր ասում են, որ մեր դատական իշխանությունը մեծամասամբ լավն է, և որոշներն են, որ պղտորում են ամբողջ ջուրը:
«Ես այստեղից երկու հետևություն ունեմ. կա՛մ մեր քաղաքական գործընկերները նախկինում անպատասխանատու հայտարարություններ էին անում և սևացնում էին բարեխիղճ դատավորներին՝ շատ դեպքերում անվանարկելով նրանց, կա՛մ մեր քաղաքական իշխանության գործընկերներն արդեն ունեն հավատարմության երդում դատավորների մեծամասնությունից: Երկու դեպքում էլ անընդունելի է»,- հայտարարեց Սիմոնյանը:
Ինչ վերաբերում է դատական օրենսգրքում առաջարկվող փոփոխություններին, պատգամավորի համոզմամբ՝ դրանք ոչ թե նպաստում են, որ մենք ունենանք անկախ դատավոր, այլ որ ունենանք վախեցած դատավոր. «Բայց ոչ թե օրենքի խստությունից վախեցած, այլ կոնկրետ անձանցից վախեցած, կաշկանդված դատավոր»:
Մանրամասները՝ տեսանյութում:
