04.08.2026 | 20:51
Փաշինյանը կատարում է ունեզրկման խոստումը․ Ծառուկյանի բիզնեսները կա՛մ փակ են, կա՛մ պետականացված․ ՏԵՍԱՆՅՈՒԹ
Կա վտանգ, որ հեղափոխությունը կարող է մահանալ բյուրոկրատական միջանցքներում. Արման Բաբաջանյան. ՏԵՍԱՆՅՈՒԹ
Քաղաքականություն
25.02.2020 | 16:26
Դատական համակարգի վերաբերյալ այս կարևոր քննարկումից առաջ մենք պետք է նախ ախտորոշենք, թե ինչով է հիվանդ այդ համակարգը, նոր միայն կարողանանք մեր բոլոր պատկերացումներն ու գործիքակազմը ներկայացնել: Դատական օրենսգրքում փոփոխություններին նվիրված խորհրդարանական լսումների ժամանակ ունեցած ելույթում այս մասին հայտարարեց ՀՀ ԱԺ պատգամավոր Արման Բաբաջանյանը:
«Ավելի քան երկու տասնամյակ Հայաստանում պետությունն ու իշխանությունը գտնվել են զավթված վիճակում: Դա ծանրագույն հանցագործություն է, որը կատարվել է համակարգված կերպով՝ ներառելով հանրային ու պետական կառավարման համակարգի գրեթե բոլոր ենթակառուցվածքներն ու դրանց ներկայացուցիչներին»,- հավելեց պատգամավորը:
Դատական իշխանությունը մաքրելը և նրա լիակատար անկախության համար անհրաժեշտ երաշխիքների ապահովումը, ըստ Բաբաջանյանի, կարելի է համարել հեղափոխությունից հետո և հեղափոխության օրակարգի ամրապնդման անկյունաքարային նշանակության իրողություն:
«Իմ համոզմամբ՝ այսօր հեղափոխությունը մտել է ավելի կարևոր և ավելի դժվար հանգրվան: Շատ հաճախ հեղափոխությունները, հանուն բարեփոխումների, մահանում են պետական կառավարման բյուրոկրատական միջանցքներում: Կա այդ վտանգը նաև մեզանում»,- հայտարարեց նա:
Մանրամասները՝ տեսանյութում:
