10.08.2026 | 15:09
Քասախ համայնքի նախկին ղեկավարը 28 հողամաս է օտարել. 6 անձ ձերբակալվել է
Աշխարհը պետք է պատրաստ լինի կորոնավիրուսի պանդեմիայի․ ԱՀԿ
Քաղաքականություն
25.02.2020 | 11:36
Առողջապահության համաշխարհային կազմակերպությունը (ԱՀԿ) հայտարարել է, որ թեև դեռ վաղ է չինական նոր կորոնավիրուսը (COVID-19) համավարակ (պանդեմիա) անվանել, սակայն երկրները պետք է պատրաստված լինեն։ Այս մասին հայտնում BBC—ն։
Աղբյուրի փոխանցմամբ՝ համավարակի դեպքում վարակը հեշտությամբ մարդուց մարդ է տարածվում աշխարհի բազմաթիվ կետերում։
Covid-19 տեսակի կորոնավիրուսը շարունակվում է արագորեն տարածվել: ԱՀԿ ղեկավարի խոսքով` վերջին օրերին առավել անհանգստացնող են Հարավային Կորեայում, Իտալիայում, Իրանում գրանցված դեպքերը:
Երեկ՝ փետրվարի 24-ին, վարակի առաջին դեպքերն են գրանցվել Աֆղանստանում, Քուվեյթում, Օմանում և Բահրեյնում։
Կորոնավիրուսի դեմ պայքարը շարունակելու նպատակով Չինաստանը պատրաստվում է հետաձգել Ժողովրդական ներկայացուցիչների համաչինական ժողովը:
BBC—ի տվյալներով՝ վարակի տնտեսական ազդեցության հետևանքով համաշխարհային արժեթղթային շուկայում կտրուկ անկումներ են եղել: Վերջին տվյալներով՝ Covid-19 վիրուսի վարակակիրների թիվը 80 հազարի է հասել, մահացությունների թիվը՝ 2698-ի։
Նելլի Մելքոնյան
