Հասարակություն
24.02.2020 | 16:38Պետք է օրենքը սահմանի, թե կրթությունն ինչ մեխանիզմներով պետք է մատչելի լինի հաշմանդամություն ունեցող ուսանողների համար։ Այս մասին Ազգային ժողովում Բարձրագույն կրթության և գիտության մասին օրենքի նախագծի լսումների ժամանակ ունեցած ելույթում նշեց Սերյոժա Օհանջանյանը:
«Հաշմանդամություն ունեցող ուսանողները խնդիր ունեն անգամ լսարան հասնելու: Բացի այդ, եթե նայեք տարեկան վիճակագրությունները, կծանոթանաք այն թվերի հետ, թե որքան հաշմանդամություն ունեցող անձ է սովորում բուհերում, և դա ոչ բավարար է։ Հաշմանդամություն ունեցող մի աղջիկ ինձ հետ զրույցում ասաց, որ ստիպված ամեն օր 6-ից հետո ջուր չի խմում, քանի որ համալսարանում սանհանգույցը հարմարեցված չէ: Եվ այս դեպքերը շատ-շատ են։ Նոր նախագծում դրույթ կա մատչելիության վերաբերյալ, բայց կրկին մեխանիզմների մշակման խնդիր կա»,- մասնավորապես նշեց Սերյոժա Օհանջանյանը։
Մանրամասները՝ տեսանյութում:
