11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Նաիրա Զոհրաբյանը հորդորում է, մինչ բուհերին անցնելը, դպրոցներում կարգավորել հայագիտական առարկաների որակը. ՏԵՍԱՆՅՈՒԹ
Հասարակություն
24.02.2020 | 13:47
Բուհերում հայագիտական առարկաները ոչ պարտադիր դարձնելը, միգուցե, լիներ ընդունելի, եթե դպրոցներում ունենայինք «Հայոց լեզու» ու «Հայոց պատմություն» առարկաների բարձր որակ։ Այս մասին Ազգային ժողովում կազմակերպված լսումների ժամանակ ունեցած ելույթում նշեց «Բարգավաճ Հայաստան» խմբակցության պատգամավոր Նաիրա Զոհրաբյանը։
Նա ներկայացրեց ԳԹԿ-ի այս տարվա տվյալները, ըստ որոնց՝ հայոց լեզվի կենտրոնացված քննության արդյունքներով՝ 31.021 սովորողից 1.686-ը ստացել է անբավարար գնահատական։
«Մենք բոլորս ավարտել ենք դպրոց և գիտենք, թե ինչ մակարդակով են ուսուցանվում ոչ միայն հայոց լեզու և գրականությունը։ Եթե այդ մակարդակը չլիներ, մենք չէինք դիմի «ռեպետիտորների» իստիտուտին։ Ինձ համար միշտ մտահոգիչ է եղել, որ տարբեր ոլորտներում մենք սայլը դրել ենք ձիուց առաջ։ Եկեք մեր հանրակրթական դպրոցներում ապահովենք հայոց լեզվի այն մակարդակը, որ քննության ժամանակ չասեն՝ Նապոլեոնը տորթ է, Սասունցի Դավիթն էլ՝ արձան, մեր հանրության, երևի թե, 80 տոկոսի համար մեղանչել բառը չասոցացվի ապաշխարել բառի հետ, նոր հետո մտածենք այս քայլի մասին։ Ես անձամբ կողմ կլինեի, որ մենք դպրոցներում դասավանդեինք լեզվամտածողություն»,- ասաց պատգամավորը։
Մանրամասները՝ տեսանյութում։
