30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Երևանի քաղաքապետարանը յուրօրինակ նվեր է պատրաստել կանանց միջազգային օրվա համար
Մշակույթ
23.02.2020 | 12:13
Այս տարի երևանաբնակ կանայք իրենց միջազգային տոնը նշելու յուրօրինակ հնարավորություն են ստացել Երևանի քաղաքապետարանի կողմից:
Ըստ քաղաքապետի տեղակալ Տիգրան Վիրաբյանի, իրենց համար կարևոր է, որ կանանց կարողանան հրամցնել հետաքրքիր, բարձրաճաշակ մշակութային միջոցառումներ:
Այդ միջոցառումներին կանայք կկարողանան մասնակցել անվճար տրամադրվող հրավիրատոմսերով: Փետրվարի 27-ից սկսած դրանք առկա կլինեն երևանյան բոլոր կինոթատրոնների տոմսարկղերում:
Յուրաքանչյուր կին ինքը կընտրի. թատրո՞ն է ուզում գնալ, կինո՞, թե՝ համերգ: Բացի տոմսարկղերից, շուտով առաջարկվող 15-ից ավելի ֆիլմերի, ներկայացումների և համերգների անվանումներն ու վերնագրերը կտեղադրվեն Երևանի քաղաքապետարանի կայքում:
Այս մասին տեղեկացնում է Երեւանի քաղաքապետարանի պաշտոնական կայքը:
