20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Այս սուտը պետք է հանվի Սահմանադրությունից․ Ավետիք Իշխանյան. ՏԵՍԱՆՅՈՒԹ
Քաղաքականություն
20.02.2020 | 17:14
«Անկախ դատական համակարգ և իշխանության տարանջատում հնարավոր է ունենալ խորհրդարանական կառավարման համակարգում։ 2015 թվականին ընդունված Սահմանադրությամբ անունով խորհրդարանական, բայց իրականում սուպերվարչապետական կառավարման համակարգ էր գծված, և նախագահի լիազորությունները փոխանցվեցին վարչապետին։ Գործող Սահմանադրությունը կարող է գալ իրական պառլամենտական համակարգի, եթե փոխվեն կարևոր մի քանի հոդվածներ»,- «Սահմանադրական փոփոխությունները Հայաստանում. քաղաքացիական հասարակության դիրքորոշումները» խորագրով հանրային քննարկմանը նշեց Հայաստանի Հելսինկյան կոմիտեի նախագահ Ավետիք Իշխանյանը։
Ըստ իրավապաշտպանի՝ խորհրդարանը պետք է կազմված լինի 101 պատգամավորից, հանվի կայուն մեծամասնության դրույթը. «Այսօր խորհրդարանում կա բիզնեսմենը, որը իբրև թե հավատարմագրային կառավարման է տվել բիզնեսները։ Այս սուտը պետք է հանվի Սահմանադրությունից և բիզնեսմենը պետք է չլինի խորհրդարանում»։
Իշխանյանը կարծում է, որ փոփոխության է ենթակա կաև նախագահի ինստիտուտը. «Նախագահի ընտրությունը պետք է լինի շատ մեծ կոնսեսուսով։ Օրինակ՝ Գերմանիայում մասնակցում են բոլոր հողերի ներկայացուցիչները։ Մինչև 80% պետք է բարձրացվի նախագահի ընտրության շեմը»:
Նրա գնահատմամբ՝ դատարանների պորտալարը պետք է կտրվի գործադիր իշխանությունից: «Սահմանադրական դատարանի դատավորի թեկնածուին առաջադրում է կառավարությունը։ Սա պետք է հանել ընդհանրապես։ Կառավարությունը ՍԴ դատավորի առաջադրելու հնարավորություն պիտի չունենա»,- կարծում է իրավապաշտպանը։
Մանրամասները՝ տեսանյութում:
Ռոբերտ Անանյան
