12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
Գերմանիայում հրաձգության հետևանքով զոհերի թիվը հասել է 9-ի. հրաձիգին մահացած են գտել
Քաղաքականություն
20.02.2020 | 11:34
Գերմանական Հանաու քաղաքում հրաձգության հետևանքով զոհերի թիվը հասել է 9-ի: Նախապես հաղորդվում էր 8 զոհի և 5 տուժածի մասին: Այս մասին գրում է ՏԱՍՍ-ը՝ վկայակոչելով տեղական ոստիկանության հայտարարությունը:
Դեպքը տեղի է ունեցել չորեքշաբթի երեկոյան: Զինված տղամարդը կրակ է բացել քաղաքի երկու նարգիլե-բարերում: Ենթադրյալ հրաձիգի մարմինը, ինչպես նաև ևս մեկ դի, գտել են նրա տանը: Այսպիսով, միջադեպի հետևանքով զոհերի ընդհանուր թիվը 11-ն է:
Ենթադրվում է, որ նա աջ ծայրահեղական շարժառիթներով է առաջնորդվել: Նախաքննական մարմինները նման եզրահանգման են եկել՝ ուսումնասիրելով նրա թողած գրավոր խոստովանության և տեսաուղերձի բովանդակությունը: Նրա ավտոմեքենայում զինամթերք են հայտնաբերել:
Գերմանական Bild-ի փոխանցմամբ՝ հրաձիգի ինքնությունը պարզվել է. նա Գերմանիայի քաղաքացի Տոբիաս Ռ.-ն է:
