30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Հալեպի օդանավակայանն ութ տարվա ընթացքում առաջին մարդատար օդանավն է ընդունել
Քաղաքականություն
19.02.2020 | 19:11
Ութ տարվա դադարից հետո Հալեպի միջազգային օդանավակայանը վերսկսել է աշխատանքը։ Այս մասին հայտնում է SANA գործակալությունը։
Դամասկոսից Հալեպ հասած առաջին ուղևորատար ինքնաթիռով ժամանել է 120 ուղևոր, այդ թվում ՝ Սիրիայի տրանսպորտի և զբոսաշրջության նախարարներ Մուհամմադ Մարտինին և Ալի Համուդը:
«Մենք հպարտ ենք այս մեծ հաղթանակով, որի շնորհիվ օդանավակայանը վերաբացվել է», – ասել է Ալի Համուդը՝ նշելով, որ նախկինում այն տարեկան ավելի քան երկու միլիոն ուղևորի էր սպասարկում։
Նշենք, որ օդանավակայանը փակվել էր 2012-ին` ուղևորների անվտանգությունից ելնելով։ Պատճառն ահաբեկիչների մշտական հարձակումներն էին։
Նելլի Մելքոնյան
