14.12.2025 | 13:11
ՀՀ դրոշ՝ Սուրբ Գևորգ եկեղեցում. Արմավիրի թեմում Փաշինյանի ցանկությունը չեն անտեսել
Սարոյանը վերածնվել է․ նոր հոլոգրամը ամփոփում է գրողի երեք տարբեր տարիքները
Մշակույթ
19.02.2020 | 21:51
2020թ․-ի փետրվարի 20-ին տեղի է ունենալու Ֆրեզնոյում գտնվող Սարոյանի տուն-թանգարանի նոր՝ թարմացված հոլոգրամի առաջին ցուցադրությունը՝ «Վերածնունդ» մշակութային և ինտելեկտուալ հիմնադրամի և “The Interactive World” կազմակերպության համագործակցությամբ։
Արխիվային լուսանկարների և անձնական տեսա-ձայնագրությունների հետ տարված հետազոտական աշխատանքների արդյունքում այժմ այցելուները հնարավորություն ունեն տեսնելու Սարոյանի վերակերտված կեպարը՝ երեք տարբեր տարիքներում։
11 տարեկան Գագիկ Մարգարյանը ներկայացնում է Սարոյանին դեռևս պատանեկության շրջանում, երբ վերջինս հեռագրեր էր բաժանում Ֆրեզնոյի փողոցներում և հոգու խորքում երազում մի օր մեծ գրող դառնալու մասին։ Արդեն հասուն և կայացած գրողին, ով իր փառքի գագաթնակետում էր գտնվում, վերապատկերում է երգահան, դերասան և հեռուստահաղորդավար Ավետ Բարսեղյանը։ Իսկ ահա բոլորիս քաջածանոթ Սարոյանին՝ արդեն պատկառելի հասակում՝ իր հանրահայտ բեղերով, բարեսիրտ հայացքով և հեծանիվների հանդեպ տածած իր հատուկ սիրով, վերապատկերում է հայտնի գործարար և բարերար պարոն Հովնանյանը։
Սարոյանի սենյակի վերակազմությունը կատարվել է Դեն Վեյների՝ 1953թ-ին արված լուսանկարի հիման վրա։
Եվս մեկ անգամ, շնորհակալություն ենք հայտնում դերասաններին և նախագծի վրա աշխատող բոլոր մարդկանց այն իրագործելու կամքի և պատրաստակամության համար:
